YEGIL MBAAX NE YEESU ne Saŋ a bindtuuna 17:9 - NQAARIIT NE ROOG

⁹ Den um xeɗanaa. Xeɗaniim wiin adna we, ndaa we lasaxamoona um xeɗanaa, yaam wo jegu a den.

YEGIL MBAAX NE YEESU ne Saŋ a bindtuuna 17:9 Referans Kwoze

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

YEGIL MBAAX NE YEESU ne Saŋ a bindtuuna 17:6

Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

YEGIL MBAAX NE YEESU ne Saŋ a bindtuuna 17:20

Xeɗaniim a den, den soom, ndaa itam we na ngimkaa na mi yaam fa lay den,

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

YEGIL MBAAX NE YEESU ne Lik a bindtuuna 8:34

Yaa waa ngayoogna a den a nga’na ke xew’ina, a ƈufa a mbetandookin kam teeru faa fo kam a saax akaa matna maaga.

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 6:39

Ke felna oxe luliidaxama koy, refu yee o leng no we ta ci’axama mo’kiraam, ndaa um xontooxnoor a den no ñaal mbalakaand naa.