YEGIL MBAAX NE YEESU ne Saŋ a bindtuuna 17:6 - NQAARIIT NE ROOG

⁶ Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

YEGIL MBAAX NE YEESU ne Saŋ a bindtuuna 17:6 Referans Kwoze

YEGIL MBAAX NE YEESU ne Saŋ a bindtuuna 17:26

Andnooraam a den gon of, too xam gen no andnooran, ndax o mbeq onqe fexaxamoona a ref na den, um ref na den.»

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

YEGIL MBAAX NE YEESU ne Saŋ a bindtuuna 15:19

Nu mbog’angaa na adna, a fexkooga a nuun, yaam ke fogna fo ten rek a fexu, ndaa koy feek nu mbogee no ten, ndoon teen um jil a nuun, xan a sib a nuun.

Mbeeñil 3:8

Kaa tee: Andaam ke o fi’aa fop. Andaam itam ee katil of mayee. Yaqanee o gayaa fa lay es, too xañiraamo. Kaam wet mbaambir of begax naa o leng a waageerna o weg.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

YEGIL MBAAX NE YEESU ne Saŋ a bindtuuna 15:7

Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

A kim a tedu ke 22:22

Muclaam no don ole no njogoy ne fo na xa can axe no naak-a-koƥ ke. Ey, jaaɓaxamo!

A sutax ale 9:16

ndaa kaam xaƴong o laaw of a fiɗaa, ndax o ga katil es, gon es a yegnitel kam adna fee fop.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

Hebre 2:12

ye ta layna a qool qac ee: «Xam lambnaa gon of a ndeer no fog es, simatang a ndeer o fog ole no gimu we.»

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

O leetar ole Pool a bindna GIMU WE NGENNA ROM 11:2

Roog deɓee xeet um feene ta jilna yaaga. Mee ndax nu anda a paax ke a Pind a Tedu ke a layna, na betandax ale me o tuleer Eliya a ɗomatoortoogna a Isra’el mbaambir Roog,

A pi ake 13:48

We ndefeerna Yaawuur a mbelakinooxooga ye da nanna a ƭelem akaaga. A simatooga fa lay fee no Yaal oxe, too fop we njagandan’eena o ñoow o fagkeer ole a ngim’ata.

YEGIL MBAAX NE YEESU ne Saŋ a bindtuuna 18:9

Kaa lay’u naaga, ndax a ƭelem um akeeke a mbadnoox: «O kiin o leng sax no we doxnaxamoona mo’ee.»

YEGIL MBAAX NE YEESU ne Saŋ a bindtuuna 17:16

Ne fogteeruuma na adna fee, a mbogteeru teen itam.

YEGIL MBAAX NE YEESU ne Saŋ a bindtuuna 17:14

Kaam coox a den fa lay of, adna fee a sib a den, yaam ne da mbogeerna na adna fee, ne fogteeruuma teen, mi itam.

YEGIL MBAAX NE YEESU ne Saŋ a bindtuuna 15:3

Me nu ndefna sax nu nqoola yaam fa lay fee nu nanitna na mi.

YEGIL MBAAX NE YEESU ne Saŋ a bindtuuna 12:28

Faap, ɓoxoti gon of o ndam ndiiki!» Maaga, a jega o ñuxur olaa inoorna na asamaan, a lay ee: «Ɓoxotaanum o ndam, too xam dakooxin o ɓoxot o ndam!»

YEGIL MBAAX NE YEESU ne Saŋ a bindtuuna 6:39

Ke felna oxe luliidaxama koy, refu yee o leng no we ta ci’axama mo’kiraam, ndaa um xontooxnoor a den no ñaal mbalakaand naa.

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

Xa peƭit axe 2:10

O jeg-yiif ole xan a rok no xeeñ of, o and ole a ɗaaynoorong.

A kim a tedu ke 119:11

Kaam migin xa ñuxur of no xeeñ es, ndax tooñkiroong.

1 Piyeer 1:1

Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.

YEGIL MBAAX NE YEESU ne Saŋ a bindtuuna 8:51

No ndigil, kaam ee oxuu gayna a ƭelem es, xonkee muk.»

YEGIL MBAAX NE YEESU ne Saŋ a bindtuuna 8:52

Maaga, Yaawuur waa a mboola a layin ee: «Ahaa! Refee tige a feedatinooxa! Wo kañ, jini damong! E, Abraham a xon, duleer we a nqon, soo o fi nene layik ee: Oxuu gayna a ƭelem es xonkee muk!

YEGIL MBAAX NE YEESU ne Saŋ a bindtuuna 17:7

Ndiiki, a andata yee ke cooxaxamoona fop na wo a hatu,

YEGIL MBAAX NE YEESU ne Saŋ a bindtuuna 17:12

Ye um refaa fa den na adna fee, kaam xoxtitoogu a den doole fee no gon of le ci’axamoona. Kaam gayoogu we lasaxamoona, too o leng na den ruuxee a koƥ, a refangee oxe war’ina o saŋkoox, ta jegit neen ndax a Pind a Tedu ke a mbadnoox.

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.