4 Ɓoxotaaxoong o ndam na adna fee, muuk calel ke sep’axamoona.
Kaa koy, Yeesu a laya a den ee: «Ñaamel es refu um fi’aa ke oxe lulaxama a bugna, soo fadin calel um.
Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.
Maafreem njom mbaax, fagiɗ o sep ole, too ɗapiim o ngim onqe.
Yaa Yeesu a ñimna bineegar faa, a laya yee: «Fop a fadnooxa.» A yoornooxa, soo a saay.
Kaa koy, ndax adna fop a and ee fexaam a Faap fee, too ke ta hebilna rek um reefaa, inooxyo i ndet.»
Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.
Kuu nu nqeɗna no gon es, xam fi’in, ndax no Ƥeenqe, Faap fee a ɓoxotel o ndam.
Faap, ɓoxoti gon of o ndam ndiiki!» Maaga, a jega o ñuxur olaa inoorna na asamaan, a lay ee: «Ɓoxotaanum o ndam, too xam dakooxin o ɓoxot o ndam!»
Yeesu a doona a den ee: «Pakaad um mbaat pakaad no we ndimuuna ngartiran. O ga’angaa ta fuul, kaa a pi Roog a mbar o mbeeñit no ten.
Seede es koy hupu ne Saŋ, yaam a pi ake Faap fee a doxnaxama ndax um fi a den, ndefna ndef ke um fi’aa ndiiki, kaa laltaa yee Faap fee lulaxam.
Yaam mexe layaa a nuun ee: Fa lay feeke bindeena a wara o fadnoor na mi: ‹A ɗeet’e nen saasaay kaa.› Ke warna na mi xan a fadnoox.»
Cinj kaaga, ye Yeesu a andna yee a fadna bareef um fop, a laya yee: «Kaam hoɗomel.» Kaa lay’un, ndax a Pind a Tedu ke a mbadnoox.