YEGIL MBAAX NE YEESU ne Saŋ a bindtuuna 17:12 - NQAARIIT NE ROOG

¹² Ye um refaa fa den na adna fee, kaam xoxtitoogu a den doole fee no gon of le ci’axamoona. Kaam gayoogu we lasaxamoona, too o leng na den ruuxee a koƥ, a refangee oxe war’ina o saŋkoox, ta jegit neen ndax a Pind a Tedu ke a mbadnoox.

YEGIL MBAAX NE YEESU ne Saŋ a bindtuuna 17:12 Referans Kwoze

YEGIL MBAAX NE YEESU ne Saŋ a bindtuuna 18:9

Kaa lay’u naaga, ndax a ƭelem um akeeke a mbadnoox: «O kiin o leng sax no we doxnaxamoona mo’ee.»

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

A pi ake 1:25

ndax ta rondand a Yudaa na seek um ale refna calel apootar kene ta xaƴna, soo a xaad me ta jegeena.»

2 Tesalonik 2:3

Ba nu njaɓ o kiin a nax a nuun no kuu ta waagna o ref. Boo ñaal neene a helko fo garaa koy, xan a soƥ wiin mayu a siiknoor fa Roog, soo mbir ne no njofaƭar ne a feeñ, ten fee jagandaneena a saŋkax ale.

Hebre 2:13

A ɓaata o lay ee: «Xam doon a koolax es na Roog.» A ɓaat o lay ee: «Mexey fo xa teɓandoong axe Roog a cooxaxama.»

A kim a tedu ke 41:9

«Jam daliran. Oxe wondooxa too inooxkatee muk.»

YEGIL MBAAX NE YEESU ne Saŋ a bindtuuna 17:6

Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

Filip 2:9

Ten taxu, Roog a yoɗin, ta garit fop took, a cooxin gon laa hupna na kon ake fop,

Mbeeñil 19:12

A kid um kaa miric-miricnoogu nen aal fiɗel, soo ta rokoox fo ndip fo mayu. A saq’a koy gon binde laa o leng a andeerna a refangee ten.