YEGIL MBAAX NE YEESU ne Saŋ a bindtuuna 17:1 - NQAARIIT NE ROOG

¹ Yaa Yeesu a layna neene boo a ƴut, a daxaaƴooxa na asamaan, a lay ee: «Faap, waxtu fee a fadiida! Ndiiki koy, ɓoxoti o Ƥeef o ndam, ndax ten itam ta ɓoxotong o ndam.

YEGIL MBAAX NE YEESU ne Saŋ a bindtuuna 17:1 Referans Kwoze

YEGIL MBAAX NE YEESU ne Saŋ a bindtuuna 12:23

Yeesu a laya a den ee: «Waxtu fee o Ƥeenqe no kiin oxe a wareena o ɓoxot o ndam a fadiida.

A pi ake 3:13

Roog fee Abraham fa Isaak fa Yakoob a mbaɗooxoogna, refna Roog fee no daan we in, a feeñla o ndam um na Yeesu fee o tag um. Nuun koy, kaa nu ƥoxotin, too nqañin mbaambir Pilaat fee lay’ina yee fat a woktel.

YEGIL MBAAX NE YEESU ne Saŋ a bindtuuna 7:39

Yeesu koy, Yiif Tedu le na ci’keel we na ngimkaa no ten a ne’oogu, ye ta layna keene. Na waxtu faaga, Yiif Tedu le ci’it’afulaand, yaam ne Yeesu a ɓoxot’afulandeena o ndam.

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

YEGIL MBAAX NE YEESU ne Saŋ a bindtuuna 11:4

Yaa oxe luleena a retna maa Yeesu boo a layin kaaga, Yeesu a laya yee: «Jir leene xotiidee, o ndam Roog taxu ta gar. Kaam ee kaa gar ndax o Ƥeenqe Roog a ɓoxotel o ndam.»

Mark 14:41

Yaa ta nomtooxiidna jaf dadkandeer le, a laya a den ee: «Kaa nu maad o ƭaanaa, ñootnooxaa? Ndiiki koy, a deya! Waxtu fee a fadiida. Nga’yo, o Ƥeenqe no kiin oxe xan a ɓoxotel ndeer xa ƥay axe no baabakaad we.

A kim a tedu ke 123:1

A kim no ñaañaaƴ we yoo. O Yaal oxe, mexe yoɗaa a kid es farna fa wo fee genna na asamaan.

YEGIL MBAAX NE YEESU ne Saŋ a bindtuuna 11:41

Ɓil laa a dalfooxe o watin, Yeesu a daxaaƴoox, a lay ee: «Faap, mexe gidmang, yaam jaɓaa a qeƭ es.

YEGIL MBAAX NE YEESU ne Saŋ a bindtuuna 8:20

Yeesu oxe layta a ƭelem akeene maa halal faa a geekoogeena kam Mbind Roog naa, a soƥ ta jangnaa, ndaa o leng doon’iran o ɓay yaam hap um fad’afulee.

YEGIL MBAAX NE YEESU ne Saŋ a bindtuuna 7:30

Kaa mbaaƭoogu maa da ndamtuuna, ndaa o leng duq’iran, yaam hap um fad’afulee.

YEGIL MBAAX NE YEESU ne Saŋ a bindtuuna 16:32

Waxtu fee oxuu refna na nuun a retankaa a xoox um, oxe garaa, too a fadiida sax. Xan nu nqaƴaam, ndaa yoqkiim koƭong, yaam Faap fee, oxe fa mi.

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Lik a bindtuuna 22:53

Mee ndax bes fuu refna fa nuun refoogum kam Mbind Roog ne, too nu ndoonee xa ƥay nuun took es. Kaa koy, keene refu waxtu nuun fa fee na katil fee no niɓaan ole.»

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

Esayi 38:14

Kaam cococaa nen o helaar-roog, soo cuuc-cuucnaa nen a nuukuur. Kaam ɗeet farna fa asamaan boo a kid es a ƭangat. O Yaal oxe, kaam torox. Gari dimle’aam!