YEGIL MBAAX NE YEESU ne Saŋ a bindtuuna 16:5 - NQAARIIT NE ROOG

⁵ Ndiiki koy, mexe waajaa o nomtoox maa no xe luliidaxama, too o leng na nuun laamtiraam me um jofaa.

YEGIL MBAAX NE YEESU ne Saŋ a bindtuuna 16:5 Referans Kwoze

YEGIL MBAAX NE YEESU ne Saŋ a bindtuuna 13:36

Simoŋ Piyeer a layaan ee: «O Yaal oxe, mam o waajaa?» Yeesu a doonaan ee: «Waagiraamo o reefan ndiiki, ndaa i moofangaa boo taa, xan o waagaam o reefan.»

YEGIL MBAAX NE YEESU ne Saŋ a bindtuuna 7:33

Yeesu a laya yee: «Miñkatiim fa nuun, yaam kaam retaa maa no xaa lulaxama.

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 17:4

Ɓoxotaaxoong o ndam na adna fee, muuk calel ke sep’axamoona.

YEGIL MBAAX NE YEESU ne Saŋ a bindtuuna 16:10

a lal a den o cofel, yaam mexey retaa na Faap faa, too nu nga’katiraam,

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

YEGIL MBAAX NE YEESU ne Saŋ a bindtuuna 13:3

Yeesu a and’a yee maa Roog a inooru, a wara o nomtoox maa ten. A anda itam ee Faap fee a doona fop na xa ƥay um.

YEGIL MBAAX NE YEESU ne Saŋ a bindtuuna 16:16

«Ke nu nga’kaxam maykatee dara. Cinj kaaga, ɓaatinkee dara nu nga’ahinaam.»

YEGIL MBAAX NE YEESU ne Saŋ a bindtuuna 14:28

Nu nana ke layuuma a nuun: Mexey retaa, ndaa xam nomtooxiid me nuun. Nu mbex’angaam, nu mbelakinooxkooga no ke um retaa na Faap faa, yaam Faap fee hupaxam.

YEGIL MBAAX NE YEESU ne Saŋ a bindtuuna 6:62

Ii, nu nga’angaa o Ƥeenqe no kiin oxe a ŋaay, a nomtooxaa maa ta reeƭna koy?

YEGIL MBAAX NE YEESU ne Saŋ a bindtuuna 17:13

Ndiiki koy, mexe hebooxaa me wo, maad o laytaa keeke na adna fee, ndax da may fo o ɗaay es.

YEGIL MBAAX NE YEESU ne Saŋ a bindtuuna 16:17

Leng-leng no daalbe we a layra yee: «A laya a in ee: ‹Ke nu nga’kaxam maykatee dara. Cinj kaaga, ɓaatinkee dara nu nga’ahinaam.› A doona teen ee: ‹Yaam na Faap fee um retaa.› Xar keene a tektu tekit?»