YEGIL MBAAX NE YEESU ne Saŋ a bindtuuna 16:16 - NQAARIIT NE ROOG

¹⁶ «Ke nu nga’kaxam maykatee dara. Cinj kaaga, ɓaatinkee dara nu nga’ahinaam.»

YEGIL MBAAX NE YEESU ne Saŋ a bindtuuna 16:16 Referans Kwoze

YEGIL MBAAX NE YEESU ne Saŋ a bindtuuna 7:33

Yeesu a laya yee: «Miñkatiim fa nuun, yaam kaam retaa maa no xaa lulaxama.

A pi ake 1:3

Cinj ye Yeesu a xonna, a cooxa a den xa anddiloor xa mayu ndax ta feedin a den ee oxe ñoowaa. A feeñooxooga a den boo a pe qarɓeen nahik, a layaa a den kaa jofna no Maat ne Roog.

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 16:22

Nuun itam, nuun wey na naqad, ndaa xan i ndakoox o nga’ir, too a koom nu may fo o ɗaay. O ɗaay olaaga koy, o leng waagkiran o suqit na nuun.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

YEGIL MBAAX NE YEESU ne Saŋ a bindtuuna 13:3

Yeesu a and’a yee maa Roog a inooru, a wara o nomtoox maa ten. A anda itam ee Faap fee a doona fop na xa ƥay um.

YEGIL MBAAX NE YEESU ne Saŋ a bindtuuna 16:5

Ndiiki koy, mexe waajaa o nomtoox maa no xe luliidaxama, too o leng na nuun laamtiraam me um jofaa.

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

Mark 16:19

Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

YEGIL MBAAX NE YEESU ne Saŋ a bindtuuna 17:13

Ndiiki koy, mexe hebooxaa me wo, maad o laytaa keeke na adna fee, ndax da may fo o ɗaay es.

YEGIL MBAAX NE YEESU ne Saŋ a bindtuuna 17:5

Ndiiki koy, Faap, ɓoxotaam o ndam onqe jeg’uuma a paam of, yaaga adna ferooxafulee.

YEGIL MBAAX NE YEESU ne Saŋ a bindtuuna 16:10

a lal a den o cofel, yaam mexey retaa na Faap faa, too nu nga’katiraam,