YEGIL MBAAX NE YEESU ne Saŋ a bindtuuna 16:11 - NQAARIIT NE ROOG

¹¹ a lal a den hate, yaam o maad adna feeke a hate’e boo a ƴut.

YEGIL MBAAX NE YEESU ne Saŋ a bindtuuna 16:11 Referans Kwoze

YEGIL MBAAX NE YEESU ne Saŋ a bindtuuna 12:31

Ndiiki koy, adna feeke a hate’e, o maad adna feeke a deɓel tafil.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

Hebre 2:14

Yaaga koy, ne xa teɓandoong axeene a ndefna cer fo fo’oy, Yeesu fa xoox um a refaan nen a den, a fog fa den o mem no kiin. A fi’aan, ndax na pexey fa nqon um ta saŋik o ƈiƴ oxe jegna doole fa nqon.

Kolos 2:15

Neene a sañtitu itam sañ-sañ ke fo maat ke, a huyit a den bo dee huyit mbaambir no fop, soo a ɓis a den nen faɗ we mbogna na qaaj ale Kiristaa a maafna.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

YEGIL MBAAX NE YEESU ne Saŋ a bindtuuna 14:30

Fa lay es fa nuun maykatee, yaam o maad adna feeke a inooxa, ndaa koy waaganiraam dara.

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

2 Piyeer 3:7

Neene itam, fa lay fa leng kut fee a geektaa asamaan fee fo lanq ke ndiiki, boo na bes faa na hate faa. Maaga, a saŋkitkeel kam fiɗel le, den fo we mbañna a Roog fop.

Hebre 9:27

O kiin, jaf leng kut a geekane ndax ta xon. Cinj kaaga, xan hate fee Roog a gar.

Hebre 6:2

Fat i nqaƴ itam a cangin ale no batiise pogreer ke fo na toon ale na xa ƥay axe fo na qontax ale no xon we fo na qaw ale na refkaa boo faw.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

A pi ake 10:42

Yeesu feene koy kaa hebil a in i mbaare’aa xeet fee, too seede’aa yee o ten Roog a dodu oxe na hate’kaa ñoow we fo xon we.

YEGIL MBAAX NE YEESU ne Lik a bindtuuna 10:18

Yeesu a laya a den ee: «Ga’aam a Saytaane ta yentiidaa na asamaan nen o hiiñ.

Mace 12:36

Mexe layaa a nuun ee: Na bes faa no nqel maak naa, xan wiin we a njangtoox a Roog fa lay fa njegee xoox fuu da mosna o lay.

Mace 12:18

«O tag es oxe jiluuma oxey! O ten fexum, too no ten o laaw es a felakinoortu. Xam ɓek Yiif es no ten, ta yegin qeet ke o cofel.

A kim a tedu ke 68:18

Roog a jega a sareet-xire cuni-cuni. Kam o tedel um o Yaal oxe xey inoortiidaa no joong olaa Sinayi.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

O leetar ole Pool a bindna GIMU WE NGENNA ROM 2:16

Neene a refitkaa na bes fee Roog a hate’kaa na pexey Kiristaa Yeesu a pi a ƭasne ke no wiin we. Keene refu ke Yegil mbaax ne doxneema a layna.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»

YEGIL MBAAX NE YEESU ne Saŋ a bindtuuna 16:12

A jega mayu kaa buguuma o lay a nuun, ndaa nu ngatliran ndiiki.