YEGIL MBAAX NE YEESU ne Saŋ a bindtuuna 16:1 - NQAARIIT NE ROOG

¹ «Kaam yegin a nuun keene, ndax ndefkee na nuun a panq.

YEGIL MBAAX NE YEESU ne Saŋ a bindtuuna 16:1 Referans Kwoze

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

Mace 24:10

Xan mayu a mbes o ngim onqe a cinj, too xan a ngodir. Wiin we kaa mbugko sibraa a ndeer den.

O leetar ole Pool a bindna GIMU WE NGENNA ROM 14:21

Ke faaxna refu o tuub a tegeƴ fo a yer a qaaɗu, waas fop ke waagna o maafnoor o pog of na bakaad.

Mace 13:57

Kaaga a yaqan’a a den da ngim no ten. Yeesu a laya a den itam ee: «O tuleer fañaand sen a refangeerna no mbaafaap um fo no mbind um.»

Mace 11:6

Oxuu tolofkeerna yaam mi, a ɗaaya.»

YEGIL MBAAX NE YEESU ne Saŋ a bindtuuna 15:11

Kaam lay a nuun keene, ndax o ɗaay es a dal na nuun, o ɗaay nuun a waag o ñak sik.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.