YEGIL MBAAX NE YEESU ne Saŋ a bindtuuna 15:8 - NQAARIIT NE ROOG

⁸ Faap es xan a ɓoxotel o ndam, yaa nu mayna fo xa tim. Neene nu ndefitkaa daalbe es itam.

YEGIL MBAAX NE YEESU ne Saŋ a bindtuuna 15:8 Referans Kwoze

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

YEGIL MBAAX NE YEESU ne Saŋ a bindtuuna 15:5

Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

YEGIL MBAAX NE YEESU ne Saŋ a bindtuuna 13:35

Boo nu mbexirna, xan fop a and ee daalbe es nu ndefu.»

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

1 Korint 10:31

Ta ref na ñaam mbaat na yer mbaat no lakas, mbi’yo fop na tedaanga Roog.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

1 Korint 6:20

Yaam njigand maak nu mbatte. Yaaga koy, fat Roog a waag o jegit o ndam no cer nuun.

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

Safe le no tuleer AGE 1:8

Ŋaayyo na xa coong axe, ƥisiid a teex too max Mbind ne. Yaaga xam jeg teen o ɗaay, mayƭandin fo o ndam es. Mi o Yaal oxe layun.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

Tiit 2:10

mbaat da nguuɗaa a den. Kaa mbar o lalit ngor tigi, ndax no kuu refna, a cangin ale Roog o Muumucil in a niwel.

Tiit 2:5

Fat a njangin a den itam da ndamoox, a ndam no gor den soom, a mbi’aa calel ke no mbind ne, a mbaax, a nanan gor den, ndax fa lay fee Roog wenkaand.

Mace 5:44

Mi o mat, mexe layaa a nuun ee: Mbexyo fañ nuun, nqeɗanaa we na ñagadilaa a nuun.

Mace 9:8

Yaa wiin waa a nga’na kaaga, diid a dama a den, too a ƥoxota a Roog o ndam, ten fee ci’na wiin we sañ-sañ fa mbodu neene.