YEGIL MBAAX NE YEESU ne Saŋ a bindtuuna 15:7 - NQAARIIT NE ROOG

⁷ Nu saxangaa na mi, fa lay es a gen na nuun, nu mbaaga o nqeɗ kuu nu mbugna, too xan nu ci’el o ten.

YEGIL MBAAX NE YEESU ne Saŋ a bindtuuna 15:7 Referans Kwoze

A kim a tedu ke 37:4

Fat o ɗaay of a ref no Yaal oxe, too xan a ci’ong ke xeeñ of a yuxmaa.

1Saŋ 5:14

I njega paam um njambaar nene: Boo i nqeɗna tig, ta yoon fo o bug ole Roog, xan a jaɓ a qeƭ in.

YEGIL MBAAX NE YEESU ne Saŋ a bindtuuna 14:13

Kuu nu nqeɗna no gon es, xam fi’in, ndax no Ƥeenqe, Faap fee a ɓoxotel o ndam.

1Saŋ 3:22

Kuu i nqeɗaa, no ten i ndaawtan, yaam kaa i ngay kebil ke ten, mbi’aa ke feluuna.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

Mace 7:7

«Nqeɗyo a Roog, too xan nu ci’el, mbaaƭyo too xan nu nga. Koŋ-koŋinyo, too xan nu mbetanel.

YEGIL MBAAX NE YEESU ne Saŋ a bindtuuna 16:23

A koom nu laamitkatiraam dara. No ndigil, no ndigil, mexe layaa a nuun ee: Nu nqeɗangaa a Faap fee tig no gon es, xan a ci’in a nuun.

Galati 5:16

Mexe layaa boog ee nqaƴyo Yiif le Roog a ɗox o ñoow nuun, too yaaga nu mbi’kee ke cer ke nuun a yaawaa.

1Saŋ 2:27

Nuun o mat, Yiif le nu ndaawitna no ten a gena fa nuun, too nu soxla’ee o lakas a jangnaa a nuun. Kaa koy, ne Yiif le ten a jangnitaa a nuun ke refna ndigil fop, too jegee o maaɓ o leng, ngenyo no ten, ne ta jangnituuna a nuun.

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

Xa peƭit axe 10:24

Ke o soxodu xe a saɗaraa na dalan, jofu we mat a ci’eel ke da nqememaa.

A kim a tedu ke 119:11

Kaam migin xa ñuxur of no xeeñ es, ndax tooñkiroong.

Esayi 58:8

Maaga, a qooland of xan a naag dañ nen mbeet, uut of a wod no ñofu. O cofel of xan a adooxanong, soo o ndam onqe no Yaal oxe a adnong.

A cangatin ale 6:6

Kebil ke um cooxang xaye fat a ngen no xeeñ of.

1Saŋ 2:14

Nuun xa teɓandoong axe, bindaam a nuun yaam nu anda a Faap fee. Nuun paap ke, bindaam a nuun yaam nu anda oxe refna yaa fo mberaandoong naa. Nuun xa pes axe, bindaam a nuun yaam nu njega doole, fa lay fee Roog na nuun a genu, too nu maafa o paaxeer oxe.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Xa peƭit axe 4:4

Faap es kaa aqatoogaam ee: «Dami fa lay es, gay xa as es, too yaaga xan o ñoow.

Ke bindeena no xe ne’eena YOB 22:26

Maaga, xan o ɗaay of a ref no Cegu katil oxe, o cok of a ref took mbaambir um.

YEGIL MBAAX NE YEESU ne Saŋ a bindtuuna 8:37

Andaam xil ee xa taan Abraham nu ndefu, ndaa kaa nu mbaaƭaa maa nu njangitna o ñis es, yaam nu mbugee o njaɓ ke um jangnaa.

Ke bindeena no xe ne’eena YOB 23:12

Yapatiliim kebil ke ten, geek o bug es, reefaa ole ten.

Galati 4:2

Wiin saqun, a ƭoxan, too waagee o fi dara na halal fee, a refangee jamaane fee faap fee a hapna fadiidu.

1 Maad we 3:5

Maaga Gibe’on o Yaal oxe a feeñooxa a Salomo no yeng olaa kam o ƭaad. Roog a layaan ee: ‹Xeɗaam kuu bugoona, too xam ci’ong o ten.»

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.