YEGIL MBAAX NE YEESU ne Saŋ a bindtuuna 15:5 - NQAARIIT NE ROOG

⁵ Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

YEGIL MBAAX NE YEESU ne Saŋ a bindtuuna 15:5 Referans Kwoze

Filip 4:13

Waagaam fop yaam oxe na dif’axam.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

Xa peƭit axe 11:30

O rim no cofu xe kaa ref ndaxar o ñoow, a ƭom-yedar ale mat a jangaa o ñis.

2 Korint 13:8

Yaam kaa i njegee katil leng naa waagna o siiknoor fo ndigil ne, no ndigil ne rek i njegtan.

YEGIL MBAAX NE YEESU ne Saŋ a bindtuuna 5:19

Yeesu a ɓaata o lay a den ee: «No ndigil, no ndigil, mexe layaa a nuun ee: O Ƥeenqe waagoodee dara. Ke ta fi’aa fop, kaa ga Faap um a fi’an. Kuu Faap fee a fi’aa, o Ƥeenqe kaa fi’an itam.

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

YEGIL MBAAX NE YEESU ne Saŋ a bindtuuna 12:24

No ndigil, no ndigil, mexe layaa a nuun ee: A refangee kaa mbep a uupoox a lanq boo a xon, sang um a yoqaa, ndaa a xonangaa, a naaga o saqaa xa tim xa mayu.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

YEGIL MBAAX NE YEESU ne Saŋ a bindtuuna 9:33

Oxeene a inoor’angee na Roog, waagkoogee o fi dara.»

Filip 4:17

Refee koy ee um gindaa ci’it keene. Ke um waaƭaa kañ refu xa tim xa mayu xa paax axe na sutooraa no ñoow nuun.

O leetar ole Pool a bindna GIMU WE NGENNA ROM 6:22

Ndiiki koy nu sute na bakaad, soo ndefat faɗ Roog. O rim nuun a refata o ñoowooƭ o tedu, soo muj nuun a refat o ñoow o fagkeer ole.

A pi ake 4:12

Yaaga boog, no ten soom a muc a waage o jegit, yaam jegee ɗuga asamaan gon lakas laa Roog a ci’itna ndeer no wiin we, ndax i muc.»

1 Korint 12:12

Nen cer ke, neene we ngimna na Kiristaa a nandu: Njer leng kut ne yoo, ndaa kaa xaajoox, a ref kene xa ƥay, keeke nof, keeke a kid, fo lakas fo lakas…

1 Piyeer 2:4

Matiidyo me ten, ten fee refna ɓil ñoow le wiin we a ndeɓna, ndaa Roog kaa jil’un, yaam kaa jeg’u o njiriiñ mbaambir um.

1 Korint 12:27

Neene nu ndeftu cer ke Kiristaa, oxuu refna a ref teen a seek.

Efees 5:9

Yaam a qoolaand ale o mat, kaa rimaa o paaxel oluu refna fo o cofel fo ndigil.

2 Korint 9:10

Oxe na cooxaa o tuuduuf oxe ax, soo a ci’in mbuuru ñoowir, xan a las a nuun, a mayƭand ax nuun, too xan a moƴ o mayƭand xa tim o cofel nuun.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

O leetar ole Pool a bindna GIMU WE NGENNA ROM 12:5

Neene itam, in we mbogna na Kiristaa, ke i mayna may fop oo, njer leng kut i ndefu no mbokatoor ne in fa Kiristaa, too kaa i ngiɓoor a ndeer in nen a seek ake mbokatoorna, a ndef njer leng kut ne.

1 Korint 10:16

O kaas ole i mbarke’aa, ndax kaa naagee o fokataa a in fo fo’oy le Kiristaa? Kaam ee: Ndax mbuuru ne i nqustaa naagee o fokataa a in fo cer ke Kiristaa?

Hoose 4:8

Sadax fa mbaasnoor bakaad fee na xeet es a ñoowtaa, ten taxu da mbug xeet fee a moƴ o mudaa na bakaad.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.