YEGIL MBAAX NE YEESU ne Saŋ a bindtuuna 15:4 - NQAARIIT NE ROOG

⁴ Saxyo na mi, um sax na nuun. Ne o par a waageerna o rimit, a refangee kaa sax no ndaxar, nuun itam nu mbaagee o saq xa tim, a refangee kaa nu sax na mi.

YEGIL MBAAX NE YEESU ne Saŋ a bindtuuna 15:4 Referans Kwoze

1Saŋ 2:6

Oxe na layaa yee a foga fa Yeesu, a wara o ñaaƴtaa ne ta ñaaƴitna, ten fa xoox um.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

YEGIL MBAAX NE YEESU ne Saŋ a bindtuuna 14:20

A koom nu and ee mexey na Faap es, nu ndef na mi, um ref na nuun.

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

2 Korint 13:5

Fat nu ngoroox o ñoowooƭ nuun boo and, ndax nu njega o ngim. Ƭeetlooxyo boog! Ndax nu anddilooxa yee Yeesu Kiristaa oxe na nuun? Kaa koy, fat a soƥ ee ƭeetlax ne refkee njom na nuun.

Kolos 2:6

Neene boog, ne nu njaɓna a Kiristaa Yeesu nen o Yaal nuun, ñoowyo fo ten.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

1 Tesalonik 3:5

Ten taxu, ye waag’ateeranuuma o muñ, luliidaam a Timote me nuun, ndax ta feednaam o ngim nuun, yaam kaam saɗaroogu yee xan o poofoog oxe a nax a nuun boo calel ƭomu in a ndef kasaara.

A kim ale na kim ake 8:5

An oo xeene na inoortiidaa na koƥ-a-ƥor ale, a damir fo xe ta bugna bug? Yoktaaxoong ɗuga ndaxar pom ne, me ya of a fudtoonga sax sax, maaga ta rimtoonga.

Hebre 10:39

In koy, i mbogee no we na nomtooxaa a cinj soo a mo, ndaa no we njegna o ngim onqaa mucilna a den i mbogu.

Mace 12:33

«Nu mbugangaa o njeg xa tim xa paax, nduufyo ndaxar mbaax! Nu njegangaa ndaxar mbaaxeer, xan nu njeg xa tim xa paaxeer. Ndaxar no rim ole a andditeel.