YEGIL MBAAX NE YEESU ne Saŋ a bindtuuna 15:12 - NQAARIIT NE ROOG

¹² Keeke koy refu kebil es: ‹Mbexrityo, ne fextuuma a nuun.›

YEGIL MBAAX NE YEESU ne Saŋ a bindtuuna 15:12 Referans Kwoze

1Saŋ 4:21

O ten sax cooxu a in kebil nene: Oxuu fexna a Roog, fat a fex o pog um itam.

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

O leetar ole Pool a bindna GIMU WE NGENNA ROM 12:10

Mbexiryo a ndeer nuun ne o fog a mbexritaa. Niwiryo, too sawar teen.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

1 Tesalonik 3:12

Yaasam o Yaal oxe a xayandaa, too a mayƭandaa o mbeq onqe nu njegna a ndeer nuun fo ne nu mbexitna lakas we itam, boo ta nand fo o mbeq onqe i njegna na nuun.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

Malaki 1:2

O Yaal oxe kaa tee: «Kaam fex a nuun», soo nu laamtaxam ee: «Na xar fexo a in?» um doon teen ee: «Ndax Esawu reeƭee o maag Yakoob? Yaag oo toox de, kaam fex a Yakoob

YEGIL MBAAX NE YEESU ne Saŋ a bindtuuna 15:17

Ke hebluuma a nuun refu nu mbexir.»

2Saŋ 1:5

Ndiiki koy, leng kut bugoong o xeɗ, wo ya es, too refee kebil nqas, yaam no mberaand naa i ndaawun, ta ref ee: Fat i mbexir a ndeer in.