YEGIL MBAAX NE YEESU ne Saŋ a bindtuuna 15:11 - NQAARIIT NE ROOG

¹¹ Kaam lay a nuun keene, ndax o ɗaay es a dal na nuun, o ɗaay nuun a waag o ñak sik.

YEGIL MBAAX NE YEESU ne Saŋ a bindtuuna 15:11 Referans Kwoze

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

YEGIL MBAAX NE YEESU ne Saŋ a bindtuuna 17:13

Ndiiki koy, mexe hebooxaa me wo, maad o laytaa keeke na adna fee, ndax da may fo o ɗaay es.

YEGIL MBAAX NE YEESU ne Saŋ a bindtuuna 16:24

Boo ndiik nu nqeɗtee gon es. Nqeɗyo, too xan nu ci’el, ndax o ɗaay nuun a ñak sik.»

1Saŋ 1:4

In we mbindaa a nuun keene, ndax o ɗaay in a ñak sik.

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

2Saŋ 1:12

A jega lakas mayu kaa buguuma o lay a nuun, ndaa bugiim ta ref no leetar. Ke moƴanaxama refu um gar i njasnoor lay, o ɗaay in a ñak sik.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

2 Korint 1:24

I mbaaƭee maa i sepitna a nuun ke nu mbarna o ngim, yaam kam o ngim onqe sax nu sinje. Ke i mbugna refu i ndimle a nuun ndax nu njeg o ɗaay.

1 Tesalonik 5:16

Fat o ɗaay a ref fa nuun kili.

YEGIL MBAAX NE YEESU ne Lik a bindtuuna 15:32

Kaa koy, kaa o war’u o sawar too felakinoox, yaam o ndeɓ of oxey, kaa xon’u, too a ñoowatina, kaa mo’’u, too a feeña.› »

YEGIL MBAAX NE YEESU ne Lik a bindtuuna 15:9

Yaa ta ga’kan, xan a xoy qaariit um fo gentand um, a lay a den ee: ‹Mbelakinooxyo fa mi, yaam ga’aam o xanjar ole mo’’ina.›

Filip 1:25

A wooraxam, too andaam sax ee meen um moofkaa fa nuun, ndax nu njof mbaambir fo o ɗaay no ngim nuun.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

YEGIL MBAAX NE YEESU ne Lik a bindtuuna 15:5

A ga’angaan, xan a gadooxin, too xan a ɗaay lool.

YEGIL MBAAX NE YEESU ne Lik a bindtuuna 15:23

Ƥisiidyo o xeel ole moƴna o magin meen too mbarin. Fat i ñaam, mbelakinoox.

Yeremi 32:41

Xam felakinoox no fi’an a den paax. Xam jimb a den da saƭik koŋ no saax lene, fi’in fo xeeñ es fop fo o laaw es fop.› »

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Esayi 62:4

Xoykataandee «o baase xe», too saax of ne’kataand «o qatu xe». Ndaa kañ xan o xoyeel «oxe um xonwanaa», soo lanq of a ne’el «o yaal a tolax a pelu», yaam no ndigil, xan o ref oxe o Yaal oxe a bugna, soo lanq of a ndoloox.