YEGIL MBAAX NE YEESU ne Saŋ a bindtuuna 15:1 - NQAARIIT NE ROOG

¹ «Mi refu ndaxar biiñ ndiindigil ne, Faap es a ref o yaal um.

YEGIL MBAAX NE YEESU ne Saŋ a bindtuuna 15:1 Referans Kwoze

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

Esayi 4:2

A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

YEGIL MBAAX NE YEESU ne Saŋ a bindtuuna 6:55

Cer es ñaamel tigi yoo, fo’oy es a ref a yer tigi.

Yeremi 12:10

Gaynaak mayu a nduudna a ƭing taxar biiñ ale mi, a nduut o qol ole mi, o qol o yaawnooxu le mi da mbi’in nen a koƥ-a-ƥor.

1Saŋ 2:8

Kaa koy, a refa itam kebil nqas naa um bindaa a nuun, yaam ndigil a reeƭu no ñoowooƭ Yeesu, a ref ndigil itam no ñoowooƭ nuun, yaam o niɓaan ole xe faafaa, soo a qoolaand ndigil ale a meleƈiidaa.

Mark 12:1

Cinj kaaga, Yeesu a refa no naxooxaa a den ee: «O yaal mbind a jimba a ƭing taxar biiñ, a ɗingin, soo a waq kam faa o nirir. A maxa taaga o yetooxand. Maaga, a doxnaan xooxoox, da nar o nqaajran fo ten, soo a ñaaƴik no saax jan.

Mace 21:33

«Nan-gilooxyo a naxax a lakas. Kaa jeg’u jeg o yaal mbind oxaa jimbna a ƭing taxar biiñ. A ɗingaan, soo a waq kam faa o nirir. A maxa taaga o yetooxand. Maaga, a doxnaan xooxoox, ndax da nqaajran fo ten, soo a ñaaƴik no saax jan.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

YEGIL MBAAX NE YEESU ne Saŋ a bindtuuna 6:32

Yeesu a doona a den ee: «No ndigil, no ndigil, mexe layaa a nuun ee: Reeƭee yee Moyiis ci’u a nuun mbuuru aa-asamaan, Faap es kañ na ci’aa a nuun mbuuru aa-asamaan ndiindigil ne.

YEGIL MBAAX NE YEESU ne Lik a bindtuuna 13:6

Yeesu a dakooxa o naxoox ee: «O kiin a jeg’a ndun no qol um. A gara a waaƭiid xa tim, ndaa soƥee teen tig.

Mace 20:1

«Maat ne na asamaan kaa nand fo o yaal mbind oxaa sutooxna ƥiiɓ teel, ndax ta waaƭ waa njalanuuna na ƭing biiñ um.

A kim ale na kim ake 7:12

Wo fee buguuma bug, gari! Aca i sutoox, ndet na koƥ ale, mbe’aa ndeer pudand ke!

Sakari 3:8

«Wo Yosuwe fee o saasadax o maak oxe, nan-gilooxi, wo fo saasadax lakas we moofna mbaambir of, yaam kaa nu ndef xa anddiloor ee mexey hebliidaa o tag es, ta ref oxe na xoyeel Dugatin le.

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Heseki’el 19:10

«Ya of kaa nandtoogu ndaxar biiñ naa jimbeena paam poofi. Kaa rim’u bo, a saqit boo a niɓ tit, yaam poofi mayaan ke.

Mace 15:13

A doona a den ee: «Ndaxar nuu Faap es fee na asamaan a jimbeerna, xan a fuurel.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.