YEGIL MBAAX NE YEESU ne Saŋ a bindtuuna 14:2 - NQAARIIT NE ROOG

² Xa moofand xa mayu xaay no mbind Faap es. Kaaga a jeg’angee, laykooginum a nuun. Kaam jagandankaa a nuun koy maa nu moofna.

YEGIL MBAAX NE YEESU ne Saŋ a bindtuuna 14:2 Referans Kwoze

2 Korint 5:1

A woora a in ee ƭiif in neeke no lanq ke, ta ref cer in, a yaqooxangaa yoo, i njega na asamaan mbind naa Roog a geekanna a in, ta ref cer aa-asamaan. Kaa ref ngenand njegee muukandoong naa o ɓay no kiin a maxeerna.

YEGIL MBAAX NE YEESU ne Saŋ a bindtuuna 13:36

Simoŋ Piyeer a layaan ee: «O Yaal oxe, mam o waajaa?» Yeesu a doonaan ee: «Waagiraamo o reefan ndiiki, ndaa i moofangaa boo taa, xan o waagaam o reefan.»

Hebre 13:14

Kaa i mbaaƭaa ngenand ne na garaa, yaam ngenand in na adna feeke miñkee.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Hebre 11:10

Abraham kaa cungoogu teeru faa sinjeena no saƭku. Teeru feene koy, Roog fiisun, too o ten o mat jaloodun.

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

Hebre 6:20

Yeesu eetu o rok a in maaga, too in sax a rokanu nen o saasadax o maak oxaa na refkaa boo faw ne ta ɗaapit’eena na Melkisedek.

Mbeeñil 3:21

Oxe na maafkaa, xam ci’in ta moof fa mi took gamb no maad le mi, ne maaftuuma mi fa xoox es boo moof fa Faap fee no gamb no maad le ten.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Hebre 9:8

No keene koy, Yiif Tedu le kaa laltaa yee begax ne no Mbiñ onqe moƴna o ted wetooxafulee, feek a ndok a eetaand ale oxe maadaa.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

1 Tesalonik 5:9

Yaam Roog jagandanee a in a qaw um, ndaa kaa bug i njeg a muc ale na pexey o Yaal in Yeesu Kiristaa.

A pi ake 9:16

Xam lalin ke ta warna o torox fop yaam gon es.»

YEGIL MBAAX NE YEESU ne Saŋ a bindtuuna 14:28

Nu nana ke layuuma a nuun: Mexey retaa, ndaa xam nomtooxiid me nuun. Nu mbex’angaam, nu mbelakinooxkooga no ke um retaa na Faap faa, yaam Faap fee hupaxam.

YEGIL MBAAX NE YEESU ne Lik a bindtuuna 14:22

Yaa ta ɓaatinna, o tag oxe a gara, a lay ee: ‹O yaal es, ke heblitoona a fi’e, too a maada o yoqaa a seek.›