1 «Ba nu njaaxiɗ, ngimyo na Roog, ngim na mi.
Oxe gid a ƭakeerna kaa o woornan jam fee. Ii, kaa o woornan jam fee, yaam kaa hoolooxong.
Yeesu a laya a maak ee: «Oxuu gimna na mi, refee yee na mi a gimu, ndaa no xe luliidaxama.
Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»
O laaw es, xar taxu o naqadiloox soo iinaa kam es? Tee o cung a Roog, too and ee xam simatahinin, ten fee o Muumucil es fa Roog es.
Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.
Kaam layan a nuun yaaga tig xewafulee, ndax boo ta fadiidna, nu ngim ee ‹mi refu oxe refuuma›.
Ten taxu mi itam, ye nanuuma o ngim nuun no Yaal oxe Yeesu a layteel, nan itam wiin we a layaa o mbeq onqe nu njegna no we mbogna na Roog fop,
«Ndiiki koy, jaaxɗaam tigi. Kaa koy, xar um laykaa? Ndax kaam laykaa yee: Faap, muclaam na waxtu feeke? Mee ndax keene taxu um gar na waxtu fene!
A moƴa faax ndiiki koy, nu mbaasanin, yaalin, ndax moƴkee o mudnoox no njakad.
Yaa Yeesu a ga’na Mariyiin Yaawuur weyiin a loolaa, cer um fop a naanga dayum, ta gooy bo.
ndax fop a niwit o Ƥeenqe ne da niwitna a Faap fee. Oxe niweerna o Ƥeenqe, niwee a Faap fee luliiduuna.
Naqad es waagee o wat, xeeñ es kaa doxaa taa kam es.
O nanangaa da mbi’an koy, kaa andee a Faap fee, andiraam.
Ndax Roog kaa weecit o yirim a in? Ndax kaa hiɓan a in a tagid kam fuux um? A maaf
Naqad oxe lifa xa cok nuun, yaam ke yegnuuma a nuun.
Boo ndiik nu nqeɗtee gon es. Nqeɗyo, too xan nu ci’el, ndax o ɗaay nuun a ñak sik.»