YEGIL MBAAX NE YEESU ne Saŋ a bindtuuna 13:9 - NQAARIIT NE ROOG

⁹ Simoŋ Piyeer ee: «Yaaga koy o Yaal oxe, ne’iim a caf ake soom, ndaa ɓogi xa ƥay axe fo xoox le sax.»

YEGIL MBAAX NE YEESU ne Saŋ a bindtuuna 13:9 Referans Kwoze

A kim a tedu ke 51:7

Ga’angi! Kaam rimel jofaƭar, too naa fudeema fud, o paabakaad refum.

A kim a tedu ke 51:2

Kaa naxooxaa ngenar ne no tuleer Natan me Dawid cinj ye oxeene a seeqna fa Batseeba.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

A kim a tedu ke 26:6

Kaam laxadooxaa, ndax um lalit ee xoolaam qac, soo widaa o sadaxand ole wo, wo o Yaal oxe,

Mace 27:24

Yaa Pilaat a ga’na yee ɗaxdee dara, too coow le a moƴ o mayaa, a janga foofi, soo a laxad xa ƥay um mbaambir no wiin waa fop, too a lay ee: «Refiim dara no fo’oy le no cofu xene. Nuun ngadooxun.»

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

YEGIL MBAAX NE YEESU ne Saŋ a bindtuuna 13:8

Piyeer a layaan ee: «Waay, waay ɓogankiraamo a caf!» Yeesu a doonaan ee: «Um ɓogangee a caf of, fogkiro fa mi a las.»

YEGIL MBAAX NE YEESU ne Saŋ a bindtuuna 13:10

Yeesu a layaan ee: «Oxe ɓogooxna boo a ƴut, ɓog a caf rek a soxla’u, ndax ta xoolatinoox boo qac, too nu nqoola, ndaa koy refee nuun fop.»