a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.
Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.
A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.
Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.
fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.
O ɗeetangaa kebil keene da ne’aa koy, xan a nandong fo cegu xoox. Kaa ndalnel, a ndef a ƭat alaa o kiin a waagna o reef yaam ta felin. Kaa ref itam a ƭat a neewandax, soo ke cer ke a yaawaa a nqañtel teen. Kaa koy, njegee o njiriiñ o leng, too ke cer ke a yaawaa soom a ndeftu.
Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,
Yakoob a doonaan ee: «O ƥees yoonkee fa nuun, yaam o maag um a xona, ta yoqat koƭong. Tig a damangaan na ñaaƈ ale, a woora yee naqad tigi um ɓiskaa jaaniif.»
Fat nu mbelakinoox mbaambir no Yaal oxe Roog nuun, nuun fo xa ƥiy nuun xa koor fo xa tew, surga nuun fo jeefeer nuun, fo itam Leelewi we ndefna a ndeer nuun, andoona yee njegee a las, ne’atiim lam nen a nuun.
A jeg’a kam Gilgal o kiin o caree tus oxaa fog’ina na carind ale Bensame, a ne’el Seeba, a ref o ƥiy Bikri. A jibna a luuƥ, a falaloox ee: «I ndeeree dara fa Dawid, i mbogee tus fo o ƥiy onqe Isay! Nuun wiin we Isra’el, fat oxuu refna a nomtoox no mbind um.»
Ye Ii-isra’el we a nga’na yee o maad oxe nan-giloox’ee a den, a ndoonaan ee: «Xar i ndeeru fa Dawid? I mbogee dara fo o ƥiy onqe Isay. In Ii-isra’el we, fat i nomtoox no ƭiif in, wo o ndaan Dawid o mat, o topatook maat of.» Maaga, a ndalfooxa o nomtoox no ƭiif den.