YEGIL MBAAX NE YEESU ne Saŋ a bindtuuna 13:5 - NQAARIIT NE ROOG

⁵ Cinj kaaga, a xafa foofi no ƥaxañ, a ref no ɓoganaa daalbe we a caf. Yaa ta ɓogna boo a ƴut, a watna ke ta humnoox’ina, soo a fortitin a caf ake boo da mbiis.

YEGIL MBAAX NE YEESU ne Saŋ a bindtuuna 13:5 Referans Kwoze

YEGIL MBAAX NE YEESU ne Lik a bindtuuna 7:44

Maaga, Yeesu a geleerooxa, a faambir fo o tew oxe, too a lay a Simoŋ ee: «Ga’aa o tew oxene? Rokaam no mbind of, too xafaniraamo foofi laa ɓogtuuma a caf. Ten o mat a xuƥanda a caf es fo xa kooniit um, soo a fortit a den wiil um.

A kim a tedu ke 51:2

Kaa naxooxaa ngenar ne no tuleer Natan me Dawid cinj ye oxeene a seeqna fa Batseeba.

Mberaand 19:2

Cinj kaaga, a laya yee: «Yaal we mi, ngela ngaryo no mbind no tag nuun, mbe maaga. Feek tige xe yengaa, xan nu mbaag o ƥoganel a caf, mbondoox boo yaa a kid a nqoolna, soo nu sog o suuraa.» A ndoonaan ee: «Ha’aa! No mbelaaƈ onqe i mbe’kaa.»

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

Mberaand 18:4

Ngela cungyo foofi a ɓisiidel, nu ƥoganel a caf nuun. Ñootnooxafulyo yoora ndaxar neeke.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Efees 5:26

Kaa fi’it neene, ndax ta tedlandin a cinj ye ta xoolandtuuna foofi fo fa lay,

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

A pi ake 22:16

Ndiiki koy, xar o cungaa? Inooxi, too batiise’el, ndax pakaad of a ƥogel yaa o ƴufginooraa gon le ten.› »

2 Maad we 3:11

Kaa koy, Yosafat a layaan ee: «Ndax jegee meeke o tuleer no Yaal oxe, oxaa i mbaagna o laamtit o Yaal oxe?» O leng no dag we no maad oxe Isra’el a doonaan ee: «A jega mene a Eliise fee surga Eliya too a ref o ƥiy Safat.»

1 Sami’el 25:41

Abigayil a dalfooxa o gooknoox, a gung a lanq soo a lay a den ee: «Jaɓaam o ref o ceefeer no yaal es Dawid, jaɓ sax o ɓoganaa dag we ten a caf!»

A paɗax ale 14:8

Fat oxe na ɓogdinooxaa a dap ñirax um, a ruus wiil um fop, soo a ɓogoox, too xan a xool. Cinj kaaga, xan a waag o rok kam saŋe ne, ndaa rokkee no ƭiif um boo ñaal ɓetuu ƭik.

1Saŋ 5:6

O ten o mat oo, Yeesu Kiristaa, ten reefu na foofi fo fo’oy, refee yee na foofi soom, ndaa na foofi fo fo’oy. Yiif le Roog refna ndigil a seede’anaan.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

YEGIL MBAAX NE YEESU ne Saŋ a bindtuuna 19:34

O leng no xiixire we a dibaan a salma no ɓemb, too ndak fo ndak a wata po’oy fa foofi.

YEGIL MBAAX NE YEESU ne Lik a bindtuuna 7:38

Ye ta fadiidna, a fodta a Yeesu a cinj na caf um. Kaa looloogu boo a xuƥandataa a caf ake Yeesu fo xa kooniit um. Cinj kaaga, a fortita a den wiil um, a foon a den, soo a ɗuumanin teen ƭuumooxel.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Esayi 1:16

Ƥogooxyo, ƥogdinoox! Fat a pi a paaxeer ake nuun a naang faq, nu mbaas paaxeer ke nu mbi’aa.

A sutax ale 29:4

Fat o ɓis a Aaroon fo xa ƥeem no ndokand ne no Ƭiif ne um bugko xetteel, ɓog a den.

YEGIL MBAAX NE YEESU ne Saŋ a bindtuuna 13:10

Yeesu a layaan ee: «Oxe ɓogooxna boo a ƴut, ɓog a caf rek a soxla’u, ndax ta xoolatinoox boo qac, too nu nqoola, ndaa koy refee nuun fop.»

YEGIL MBAAX NE YEESU ne Saŋ a bindtuuna 13:8

Piyeer a layaan ee: «Waay, waay ɓogankiraamo a caf!» Yeesu a doonaan ee: «Um ɓogangee a caf of, fogkiro fa mi a las.»

Mberaand 43:24

O koor oxaaga i ɓisa a den no mbind Yoseef, a xafan a den foofi da ƥog a caf den, soo ta yipan xa paam axe den fo gooñ.

Haahate we 19:21

A ɓisa a den no mbind um soo a yipan xa paam axe fo gooñ. Ñaaƴ we a ƥoga a caf den, a ñaam soo a yer.

YEGIL MBAAX NE YEESU ne Saŋ a bindtuuna 13:6

Ye ta fadiidna me Simoŋ Piyeer, oxeene a layaan ee: «Ca! O Yaal oxe, wo o mat o ɓogaa a caf es!»