YEGIL MBAAX NE YEESU ne Saŋ a bindtuuna 13:19 - NQAARIIT NE ROOG

¹⁹ Kaam layan a nuun yaaga tig xewafulee, ndax boo ta fadiidna, nu ngim ee ‹mi refu oxe refuuma›.

YEGIL MBAAX NE YEESU ne Saŋ a bindtuuna 13:19 Referans Kwoze

YEGIL MBAAX NE YEESU ne Saŋ a bindtuuna 14:29

Layaam a nuun keene yaaga fadiidafulee, ndax boo ta fadiidna, nu ngim na mi.

Esayi 43:10

O Yaal oxe kaa tee: «Nuun ndefu seede es, ndef o tag es oxe jiluuma. Ke buguuma refu nu and, ngim too njaɓ ee mi yoo. Jegee roog fa lakas faa adooxaxama, too jegkee fa lakas faa reefanaxama.

YEGIL MBAAX NE YEESU ne Saŋ a bindtuuna 16:4

Layaam a nuun keene, ndax boo ta jegna nu mbetandoox ee yegin’aanum a nuun.» «Layinum a nuun no mberaand naa, yaam ne reeƭuuma fa nuun.

Esayi 48:5

a taxa um yegin a nuun yaaga keene xewna. Andnooraanum a nuun yaaga fadiidafulee, ndax nu laykee yee: ‹Mbangool es garu fo ten, o daaƴ es mbaat nitaal njawe es bugtun neene.›

YEGIL MBAAX NE YEESU ne Saŋ a bindtuuna 8:58

Yeesu a laya a den ee: «No ndigil, mexe layaa a nuun ee: Yaaga Abraham rimafulaand, refum.»

Mace 24:25

Yegnaanum a nuun yaaga fadiidafulee.

Mace 11:3

ndax da laamit a Yeesu yee: «Wo refu oxe warna o gar, ndi kaa i mbar o cung o lakas?»

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

YEGIL MBAAX NE YEESU ne Saŋ a bindtuuna 1:15

Saŋ a seede’anaan a qool qac ee: «Oxeeke mat ne’oogum ye layuuma yee: ‹Oxe na reefaniidaxam hupaxam yaam yaa ta refna yaaga rimafulaandeem.› »

YEGIL MBAAX NE YEESU ne Lik a bindtuuna 21:13

Xan keene fop a dal a nuun, ndax nu mbaagaam o seede’an.

Esayi 41:23

Yegnityo ke na garaa, too yaaga xan i and ee roog nu ndefu. Mbi’yo rek paax mbaat paaxeer, ndax i mboor a kid, nga’andoorin.

YEGIL MBAAX NE YEESU ne Saŋ a bindtuuna 4:26

Yeesu a layaan ee: «Mi yoo, mi fee na layaa fa wo.»

YEGIL MBAAX NE YEESU ne Saŋ a bindtuuna 8:28

Maaga, Yeesu a laya a den ee: «A koom alaa nu yoɗkaa o Ƥeenqe no kiin oxe rek, nu andkaa oxe refuuma, and itam ee ke um fi’aa refee pexey xoox es. Ke um layaa fop, Faap es jangnaxam o ten.