YEGIL MBAAX NE YEESU ne Saŋ a bindtuuna 13:18 - NQAARIIT NE ROOG

¹⁸ Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

YEGIL MBAAX NE YEESU ne Saŋ a bindtuuna 13:18 Referans Kwoze

A kim a tedu ke 41:9

«Jam daliran. Oxe wondooxa too inooxkatee muk.»

Mace 26:23

Yeesu a doona a den ee: «Oxe ɓekna o ɓay fa mi no roon ole na ɓoxotkaxam.

YEGIL MBAAX NE YEESU ne Saŋ a bindtuuna 17:12

Ye um refaa fa den na adna fee, kaam xoxtitoogu a den doole fee no gon of le ci’axamoona. Kaam gayoogu we lasaxamoona, too o leng na den ruuxee a koƥ, a refangee oxe war’ina o saŋkoox, ta jegit neen ndax a Pind a Tedu ke a mbadnoox.

Mark 14:20

Yeesu a doona a den ee: «O leng na nuun, nuun xarɓaxay fo ɗik we yoo, oxe ɓekna o ɓay fa mi no roon ole.

YEGIL MBAAX NE YEESU ne Saŋ a bindtuuna 13:26

Yeesu a doonaan ee: «Oxe um suupankaa o ɗeg, cooxin oo!» Yaa ta suupna o ɗeg ole, a cooxaan a Yudaa fee o ƥiy Simoŋ o Iskariyot oxe.

YEGIL MBAAX NE YEESU ne Saŋ a bindtuuna 6:70

Yeesu a doona a den ee: «Nuun xarɓaxay fo ɗik we, ndax refee yee mi jilu a nuun? A jega na nuun koy oxaa fogna no ƈiƴ oxe.»

YEGIL MBAAX NE YEESU ne Saŋ a bindtuuna 15:19

Nu mbog’angaa na adna, a fexkooga a nuun, yaam ke fogna fo ten rek a fexu, ndaa koy feek nu mbogee no ten, ndoon teen um jil a nuun, xan a sib a nuun.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

Mace 10:36

Xan fañ no kiin a ndef wiin mbind um.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

Yeremi 41:2

Maaga, Isma’el a naaga daket, ten fo goor xarɓaxay we yoon’ina fo ten, soo a nqawit laƥ a Gedaliya fee o ƥiy Ahikam, too a ref o ndaan Safan. Naaga, a mbara oxe o maad oxe Babilon a dalin’ina ta maadooxaa no saax le.

Mace 26:21

Yaa da ñaamaa, Yeesu a laya yee: «No ndigil, mexe layaa a nuun ee: Xan o leng na nuun a ɓoxotaam.»

Mark 14:17

Yaa tigaa yaarna, Yeesu a fadiida fo xarɓaxay fo ɗik waa.

Mark 14:18

Yaa da ndeerna a ñaamaa, Yeesu a laya yee: «No ndigil, mexe layaa a nuun ee: Nuun we na ñaamaa fa mi, xan o leng na nuun a ɓoxotaam.»

YEGIL MBAAX NE YEESU ne Lik a bindtuuna 22:21

Ndiiki koy, nan-gilooxyo: Oxe na ɓoxotkaxam refu oxe fogna fa mi o roon.

YEGIL MBAAX NE YEESU ne Saŋ a bindtuuna 13:21

Yaa Yeesu a layna naaga boo a ƴut, o njaaxɗand o maak a rokaan, boo ta lay a qool qac ee: «No ndigil, no ndigil, mexe layaa a nuun ee: Xan o leng na nuun a ɓoxotaam.»

YEGIL MBAAX NE YEESU ne Saŋ a bindtuuna 13:22

Daalbe we a ƭeetra, o leng andee oxe ta ne’aa.

YEGIL MBAAX NE YEESU ne Saŋ a bindtuuna 15:25

Keene fop kaa xew, a fadand ke lay’eena na mi kam a Pind a Tedu ke yee: ‹Kaa ndiy a sibaam.›

YEGIL MBAAX NE YEESU ne Saŋ a bindtuuna 18:32

Naaga fa lay fee Yeesu a lay’ina a fadnoortu, ye ta lalitna ne ta xonitkaa.

YEGIL MBAAX NE YEESU ne Saŋ a bindtuuna 19:24

«Ba i nquuyin, fat i mbanjangin.» Kaaga a xewa, a fadin ke a Pind a Tedu ke a ne’oogna, ye da layna yee: «A lasra tikoorik es, soo a mbanjang sabadoor es.» Keene o mat xiixire we a mbi’u.

YEGIL MBAAX NE YEESU ne Saŋ a bindtuuna 19:36

Keene a xewa ndax ke a Pind a Tedu ke a ne’oogna a fadnoox, ye da layna yee: «O hiiƈ um o leng ɓolkaand.»

A pi ake 1:2

boo neen Roog a yoɗun na asamaan, cinj ye ta cooxna apootar we ta jil’ina bargal ke ten na pexey Yiif Tedu le.

A pi ake 1:16

«Nuun fog es, Yiif Tedu le a yegnita no don Dawid kam a Pind a Tedu ke no kaa farna na Yudaa fee adooxan’ina waa ndam’ina a Yeesu, too fa lay feene a wara o fadnoox.