YEGIL MBAAX NE YEESU ne Saŋ a bindtuuna 13:13 - NQAARIIT NE ROOG

¹³ Kaa nu nqoyaxam o Caajangin oxe fo o Yaal oxe. Nu mbi’a paax, yaam ten refum ndigil.

YEGIL MBAAX NE YEESU ne Saŋ a bindtuuna 13:13 Referans Kwoze

YEGIL MBAAX NE YEESU ne Lik a bindtuuna 6:46

«Xar taxu nu nqoyaxam ee o Yaal oxe, o Yaal oxe, too nu naangee o mbi’aa ke simtuuma?

Filip 2:11

soo o kiin oo kiin a lay ee Yeesu Kiristaa refu o Yaal oxe, Roog Faap fee a ɓoxotel o ndam no ten.

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

YEGIL MBAAX NE YEESU ne Saŋ a bindtuuna 11:28

Yaa Marta a layna naaga, a reta, a xoy a Mari fee o ndeɓ um na pet, soo a layin ee: «O Caajangin oxe a fadiida de. Oxe laamtang sax.»

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Saak 2:19

Gimaa yee Roog fa leng soom jegu. Keene paax oo, ndaa cini ke sax sax a andaan, too a mbitaan.

YEGIL MBAAX NE YEESU ne Lik a bindtuuna 10:28

Maaga, Yeesu a layaan ee: «Ndigil kak layo. Fi’i keene, too xan o ñoow.»

YEGIL MBAAX NE YEESU ne Lik a bindtuuna 7:43

Simoŋ a doonaan ee: «Yaakaaraam ee oxe waasaneena o lad ole moƴna magin.» Yeesu a layaan ee: «Layaa ndigil.»

Yeremi 1:12

Maaga, o Yaal oxe a layaxam ee: «Ga’aa a paax koy, yaam kaam yetooxaa, ndax um fadin fa lay es.»

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

YEGIL MBAAX NE YEESU ne Saŋ a bindtuuna 11:2

Mbaambir naa, Mari feene o mat na yipkaa o Yaal oxe ƭuumooxel, soo a fortit a caf um wiil le ten. O camin um Lasaar o mat jir’u.

YEGIL MBAAX NE YEESU ne Saŋ a bindtuuna 11:3

Mari fa Marta a lulta maa Yeesu yee: «O Yaal oxe, oxe fexoona, oxaa jira.»

Efees 6:9

Nuun yaal pind ke, ñaaƴnityo neene a ndeer nuun fo faɗ nuun. Mbootooxyo o mbi a den ƭomu. Fat nu yeg fo and ee nuun mbogu o Yaal o leng kut oxe refna na asamaan, too no ten jegee camtirand leng.