YEGIL MBAAX NE YEESU ne Saŋ a bindtuuna 13:1 - NQAARIIT NE ROOG

¹ Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

YEGIL MBAAX NE YEESU ne Saŋ a bindtuuna 13:1 Referans Kwoze

YEGIL MBAAX NE YEESU ne Saŋ a bindtuuna 12:23

Yeesu a laya a den ee: «Waxtu fee o Ƥeenqe no kiin oxe a wareena o ɓoxot o ndam a fadiida.

1Saŋ 4:19

In o mat, kaa i mbexin, yaam ten eetu o fex a in.

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 13:3

Yeesu a and’a yee maa Roog a inooru, a wara o nomtoox maa ten. A anda itam ee Faap fee a doona fop na xa ƥay um.

YEGIL MBAAX NE YEESU ne Saŋ a bindtuuna 18:4

Yeesu o mat, a and’a fop ke nar’uuna o dal, a xetiida fa den, a laamit a den ee: «An nu mbaaƭaa?»

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

YEGIL MBAAX NE YEESU ne Saŋ a bindtuuna 17:16

Ne fogteeruuma na adna fee, a mbogteeru teen itam.

YEGIL MBAAX NE YEESU ne Saŋ a bindtuuna 17:1

Yaa Yeesu a layna neene boo a ƴut, a daxaaƴooxa na asamaan, a lay ee: «Faap, waxtu fee a fadiida! Ndiiki koy, ɓoxoti o Ƥeef o ndam, ndax ten itam ta ɓoxotong o ndam.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Hebre 3:14

Mee ndax fog Kiristaa i ndefu, yaa i saaƭooxna boo no muukandoong naa na koolax ale i njeg’ina no mberaand naa.

YEGIL MBAAX NE YEESU ne Saŋ a bindtuuna 17:5

Ndiiki koy, Faap, ɓoxotaam o ndam onqe jeg’uuma a paam of, yaaga adna ferooxafulee.

Mace 26:45

Cinj kaaga, a gara me no daalbe we, a lay a den ee: «Kaa nu maad o ƭaanaa, ñootnooxaa? Waxtu fee a fadiida. Nga’yo, o Ƥeenqe no kiin oxe xan a ɓoxotel ndeer xa ƥay axe no baabakaad we.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

Hebre 6:11

Kaa koy, i mbuga oxuu refna na nuun a lalit o jaflax ole nu njeg’ina boo no muukandoong naa, ndax yaakaar nuun a dey sik.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

YEGIL MBAAX NE YEESU ne Saŋ a bindtuuna 17:26

Andnooraam a den gon of, too xam gen no andnooran, ndax o mbeq onqe fexaxamoona a ref na den, um ref na den.»

YEGIL MBAAX NE YEESU ne Saŋ a bindtuuna 14:28

Nu nana ke layuuma a nuun: Mexey retaa, ndaa xam nomtooxiid me nuun. Nu mbex’angaam, nu mbelakinooxkooga no ke um retaa na Faap faa, yaam Faap fee hupaxam.

YEGIL MBAAX NE YEESU ne Saŋ a bindtuuna 11:55

Xew fee na colandax ale a matiida, wiin mayu a ndet Yeerusaleem, a ƥogdinook.

YEGIL MBAAX NE YEESU ne Saŋ a bindtuuna 7:30

Kaa mbaaƭoogu maa da ndamtuuna, ndaa o leng duq’iran, yaam hap um fad’afulee.

YEGIL MBAAX NE YEESU ne Saŋ a bindtuuna 7:6

Yeesu a laya a den ee: «Hap es fadafulee, nuun koy hap nuun mosee o fadaƭar.

YEGIL MBAAX NE YEESU ne Saŋ a bindtuuna 6:4

A soƥ’a koy bes fee na Colandax ale refna ref xew fee no Yaawuur we, a faambnoox.

YEGIL MBAAX NE YEESU ne Lik a bindtuuna 22:53

Mee ndax bes fuu refna fa nuun refoogum kam Mbind Roog ne, too nu ndoonee xa ƥay nuun took es. Kaa koy, keene refu waxtu nuun fa fee na katil fee no niɓaan ole.»

YEGIL MBAAX NE YEESU ne Lik a bindtuuna 9:51

Yaa jamaane faa Yeesu a war’ina o inoor na adna fee, a ret na asamaan a matiidna, Yeesu a hebooxa o ret Yeerusaleem.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Yeremi 31:3

O Yaal oxe a feeñoortaxam koƭu, a lay ee: «Naa moofum kaam fexong, ten taxu um geekanong o mbeq es.

YEGIL MBAAX NE YEESU ne Saŋ a bindtuuna 8:20

Yeesu oxe layta a ƭelem akeene maa halal faa a geekoogeena kam Mbind Roog naa, a soƥ ta jangnaa, ndaa o leng doon’iran o ɓay yaam hap um fad’afulee.

Xa peƭit axe 8:31

lanq ke ta sakna a ndef o ŋasand es, o ɗaay es um jegtin na xa ƥiy Aadama.»

YEGIL MBAAX NE YEESU ne Saŋ a bindtuuna 2:13

Xew fee na colandax ale Yaawuur we a ndoofandoogna a mat’a, too Yeesu a reta Yeerusaleem.

YEGIL MBAAX NE YEESU ne Saŋ a bindtuuna 13:29

Ne Yudaa a geekoogna xaaliis fee da njegoogna, a tax’a lakas we a mboogaa yee Yeesu kaa layin soom ee: «Jiki ke i soxla’na na xew fee», mbaat ta siman ta dimle teen rool we.

YEGIL MBAAX NE YEESU ne Saŋ a bindtuuna 14:31

Kaa koy, ndax adna fop a and ee fexaam a Faap fee, too ke ta hebilna rek um reefaa, inooxyo i ndet.»

YEGIL MBAAX NE YEESU ne Saŋ a bindtuuna 19:28

Cinj kaaga, ye Yeesu a andna yee a fadna bareef um fop, a laya yee: «Kaam hoɗomel.» Kaa lay’un, ndax a Pind a Tedu ke a mbadnoox.