YEGIL MBAAX NE YEESU ne Saŋ a bindtuuna 12:44 - NQAARIIT NE ROOG

⁴⁴ Yeesu a laya a maak ee: «Oxuu gimna na mi, refee yee na mi a gimu, ndaa no xe luliidaxama.

YEGIL MBAAX NE YEESU ne Saŋ a bindtuuna 12:44 Referans Kwoze

Mace 10:40

«Oxuu genarna a nuun, mi a genaru, too genaraxama a genara oxe lulaxama itam.

YEGIL MBAAX NE YEESU ne Saŋ a bindtuuna 13:20

No ndigil, no ndigil, mexe layaa a nuun ee: Oxuu dalinna oxaa luluuma, mi fa xoox es a dalnu, too dalnaxama, oxe luliidaxama sax a dalnu.»

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

Mark 9:37

«Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, refee yee mi a genaru, ndaa oxe lulaxama.»

1 Piyeer 1:21

Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.

YEGIL MBAAX NE YEESU ne Saŋ a bindtuuna 7:28

Yeesu a foda kam Mbind Roog naa, a lay a maak ee: «Kaa nu mboog ee nu andaxam, and me hatuuma! Atiim mene a xoox es. Oxe luliidaxama koy, ndigil kak a layaa, ndaa nu andee oxeene.

YEGIL MBAAX NE YEESU ne Saŋ a bindtuuna 11:43

Yaa ta layna kaaga boo a ƴut, a doona teen a maak ee: «Lasaar, sutooxiidi!»

Xa peƭit axe 8:1

Nan-gilooxyo, Jeg-yiif oxe xoytaa, o ƴiƴ ole a falalooxaa!

Xa peƭit axe 1:20

O jeg-yiif ole kaa falalooxaa no ped ke, o ñuxur um a jibaa no paayo ke.

Mark 9:23

Yeesu a layaan ee: «O waagangaa, layo! Oxe gimna a waaga fop, dara ɓoowiran.»