YEGIL MBAAX NE YEESU ne Saŋ a bindtuuna 12:2 - NQAARIIT NE ROOG

² Maaga, Yeesu a jawane a put. Marta diƈiid’u, Lasaar fo lakas a ndeer fo ten.

YEGIL MBAAX NE YEESU ne Saŋ a bindtuuna 12:2 Referans Kwoze

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

YEGIL MBAAX NE YEESU ne Lik a bindtuuna 22:27

Ndi an moƴu o magin boog, oxe reerna fa nuun ndi oxe na dagooxaa? Ndax refee oxe reerna fa nuun? Ndiiki koy mexey a ndeer nuun nen o tag nuun.

Mark 14:3

Yaa Yeesu a refna Betani, kam mbind no yaal a tik-a-maak o ne’e Simoŋ, o tew a rokiida, a soƥ ta ñaamaa. A saq’a o njaq onqaa fi’teena ɓil seeru laa ne’eena albaatar, a yip ƭuumooxel cafeñu kaa ne’eena naar. A gefa o njaq onqe, soo a ɓax ƭuumooxel ke fop took xoox le Yeesu.

YEGIL MBAAX NE YEESU ne Lik a bindtuuna 14:12

Yeesu a laya itam oxaa xoy’uuna yee: «Boo o xoytataa a put mbaat a cu’ax, ba o xoy qaariit of mbaat fog of mbaat we fogtoona mbind mbaat we njegna kalal, yaam ndik da nqurong wo itam, a ndabdong leng kut ke.

YEGIL MBAAX NE YEESU ne Lik a bindtuuna 12:37

Faɗ we o yaal den a soƥkaa da yetooxaa a ƭaaya! No ndigil, mexe layaa a nuun ee: Xan a humnoox boo yee ŋaƭ, a diƈ a den, soo a matiid ndax ta dagoox a den.

YEGIL MBAAX NE YEESU ne Lik a bindtuuna 5:29

Maaga, Lewi a xura a Yeesu a put no mbind um, too wiin mayu no waa ndabdinooxoogna juuti fo wiin lakas a ndeera fa den, a ñaamaa.

Mace 26:6

Yaa Yeesu a refna Betani, kam mbind no yaal a tik-a-maak o ne’e Simoŋ,

A kim ale na kim ake 4:16

Nqeñ ne no ɓemb-roog o janoon, ɗisi! Nqeñ ne no ɓemb-roog o ñamaak, gari! Wuuɗi kam a ƭing ale mi, ndax qeeñe-xeeñe ke ten a naang sur. Fat oxe buguuma bug a gar na ƭing um soo a ñaam na xa tim xa pelu xe ten!