YEGIL MBAAX NE YEESU ne Saŋ a bindtuuna 11:51 - NQAARIIT NE ROOG

⁵¹ Layit’ee a ƭelem akeene o ƥor. Ne ta reeƭna oxe adooxanna saasadax we fop tax’u Roog a riñin ta yegnit yaaga yee Yeesu a wara o xon, ndax xeet fee a muc.

YEGIL MBAAX NE YEESU ne Saŋ a bindtuuna 11:51 Referans Kwoze

Dañel 9:26

A cinj xa kiid ɓetaa ƭaq axeene boo a caf qarɓeen ɓetuu fa leng fo a caf a ƭak, Kelfa fee ta soƥkaa ta ɗuumel xan a saŋkel, too jegkee oxaa rondanduuna. Cinj kaaga, xan kelfa a gar fo a yaj no xiixire um, a yaq teeru fee fo o mbiñ o tedu nqe, ndaa xan muukandoong um a fadtiid nen o jaɓ. Yaq fee xan a ret boo maa xire fee a fagitkaa. Roog o mat heblitun.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1 Sami’el 23:9

Ye Dawid a yegna paaxeer ke Sawul a waajan’uuna, a laya a Abiyataar, o saasadax oxe yee: «Ɓisiidi o jamb ole!»

A sutax ale 28:30

Wo Moyiis, fat o ɓek no safaƈ ne na ɗeetteel o bug ole Roog ‹Urim fee› fa ‹Tumim fee›, da mbodaa a Aaroon no ngang a mbanuu ta garaa mbaambir es. Neene, xan Aaroon a saqaa a den kili no ngang um, ndax ta andaa ke buganuuma Ii-isra’el we, mi o Yaal oxe.»

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

YEGIL MBAAX NE YEESU ne Saŋ a bindtuuna 10:15

ne andtuuma a Faap fee, Faap fee a andaam. Kaam cooxtaa o ñis es yaam paal ke mi.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

1 Sami’el 28:6

Sawul a dalfooxa o laamit o Yaal oxe, ndaa oxeene dooniran dara, ta ref no ƭaad mbaat fo mbanjang tedu ne no saasadax oxe mbaat fo o tuleer um.

A lim ale 24:2

Yaa ta yoɗna a kid um, a ga Ii-isra’el we ndal’ina, wuu ndefna na carind den, Yiif le Roog a fudooxa took um.

A lim ale 22:28

Maaga, o Yaal oxe a weta o don ole no faam ole, soo ta lay a Balam ee: «Ndi xar fi’oong? A caf a tadak akey kaa o xawaxam!»

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

YEGIL MBAAX NE YEESU ne Saŋ a bindtuuna 11:49

Kayif fee reeƭna o saasadax o maak no hiid olaaga a laya a den ee: «Nu nga’ee tiye a qool qac.

YEGIL MBAAX NE YEESU ne Saŋ a bindtuuna 18:13

soo a ƥisin pitik maa Xaan-Koor fee reeƭna o seemir Kayif. Kayif koy reeƭu o saasadax o maak no hiid olaaga.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.