YEGIL MBAAX NE YEESU ne Saŋ a bindtuuna 11:42 - NQAARIIT NE ROOG

⁴² Andaam ee mosiraamo o fañan tig. O nanangaa um lay, lakas we ndefna meen taxun, ndax da mbaag o ngim ee wo luliidaxam.»

YEGIL MBAAX NE YEESU ne Saŋ a bindtuuna 11:42 Referans Kwoze

YEGIL MBAAX NE YEESU ne Saŋ a bindtuuna 3:17

Roog koy, luliidee o Ƥeem na adna fee, ndax ta hate adna fee, ndaa ndax ta muclin na pexey o Ƥeem.

YEGIL MBAAX NE YEESU ne Saŋ a bindtuuna 17:21

ndax den fop da ndef o leng. Faap, ne reftoona na mi, um ref na wo, kaam xeɗaa da ndefit neen na in itam, ndax adna fee a mbaag o ngim ee wo luliidaxam.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 17:25

Faap fa njofu fee, adna fee andirang, ndaa mi o mat, andaaxoong, too weeke a anda yee wo luliidaxam.

YEGIL MBAAX NE YEESU ne Saŋ a bindtuuna 17:8

yaam daawnaam a den a ƭelem ake cooxaxamoona, too a njaɓa a den. A anda tigi yee na wo hatum, too a ngima yee wo luliidaxam.

YEGIL MBAAX NE YEESU ne Saŋ a bindtuuna 11:22

Kaa koy, me i ndefna sax, andaam ee kuu xeɗoona a Roog, ta ci’ong o ten.»

Mace 26:53

Ndax kaa foogiro yee waagaam o xeɗ a Faap es, too yaaga xan a cooxaam ndak fo ndak malaaka kaa ngupna a yaj xarɓaxay fo a yaj a ƭak, a yaj aluu refna a jeg malaaka cuni ɓetuu fa leng?

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

YEGIL MBAAX NE YEESU ne Saŋ a bindtuuna 11:31

Yaa Yaawuur waa yaalooguuna kam mbind naa a nga’na a inax a ñofu laa ten, a mboog’a yee kaa loolkaa no poy kaa. A ndalfooxa o inoox, soo a ndeefanin.

YEGIL MBAAX NE YEESU ne Saŋ a bindtuuna 8:42

Yeesu a laya a den ee: «Roog a reeƭangaa Faap nuun, nu mbexkoogaxam, yaam na Roog inoorum, garaa. Refee yee mi inu a xoox es, o ten luliidaxam.

YEGIL MBAAX NE YEESU ne Saŋ a bindtuuna 8:29

Oxe lulaxama, oxe fa mi. Xaƴiraam sang es, yaam kaam fi’aa kili ke feluuna.»

YEGIL MBAAX NE YEESU ne Saŋ a bindtuuna 8:16

Um hate’angaa o kiin itam, kaa war, yaam refiim sang es, Faap fee lulaxama, oxe fa mi.

YEGIL MBAAX NE YEESU ne Saŋ a bindtuuna 11:43

Yaa ta layna kaaga boo a ƴut, a doona teen a maak ee: «Lasaar, sutooxiidi!»

YEGIL MBAAX NE YEESU ne Saŋ a bindtuuna 12:11

yaam kaa jeg’u Yaawuur mayu waa nqaƴoogna a den, a ngimat na Yeesu yaam o ten.

YEGIL MBAAX NE YEESU ne Saŋ a bindtuuna 12:17

Fop waa ndeeƭna fa Yeesu yaa ta xoyna a Lasaar na mboy alaa, a xontooxnoorin, a seede’anaan.