YEGIL MBAAX NE YEESU ne Saŋ a bindtuuna 11:41 - NQAARIIT NE ROOG

⁴¹ Ɓil laa a dalfooxe o watin, Yeesu a daxaaƴoox, a lay ee: «Faap, mexe gidmang, yaam jaɓaa a qeƭ es.

YEGIL MBAAX NE YEESU ne Saŋ a bindtuuna 11:41 Referans Kwoze

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

YEGIL MBAAX NE YEESU ne Saŋ a bindtuuna 17:1

Yaa Yeesu a layna neene boo a ƴut, a daxaaƴooxa na asamaan, a lay ee: «Faap, waxtu fee a fadiida! Ndiiki koy, ɓoxoti o Ƥeef o ndam, ndax ten itam ta ɓoxotong o ndam.

A kim a tedu ke 123:1

A kim no ñaañaaƴ we yoo. O Yaal oxe, mexe yoɗaa a kid es farna fa wo fee genna na asamaan.

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Filip 4:6

Ba nu nqalam dara! No kuu refna, ndiisyo a Roog coxla nuun, nqeɗaa, nqeɗooxaa, too ngidman itam.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

Mace 11:26

Iyo Faap, neene mat a waagu o refit, yaam ten felong.

Mace 27:60

A ɓekaan kam a mboy a qas alaa ta sexood’ina no ɓil. A berenga ɓil maak, ndax ta wegtin ndokand naa na mboy alaa.

Mark 15:46

Yoseef a jika njoor, a fudin a Yeesu na kurwaa le, a laxasin o ten, soo a ɓekin kam a mboy alaa sexeena no ɓil. A berenga ɓil maak, ndax ta wegtin ndokand naa na mboy alaa.

YEGIL MBAAX NE YEESU ne Lik a bindtuuna 24:2

Yaa da mbadna, a soƥa ɓil le a mboy ale a giŋlit’eena a berengel.

YEGIL MBAAX NE YEESU ne Saŋ a bindtuuna 11:22

Kaa koy, me i ndefna sax, andaam ee kuu xeɗoona a Roog, ta ci’ong o ten.»

YEGIL MBAAX NE YEESU ne Saŋ a bindtuuna 20:1

No mbuyukuun naa na diiboor faa, a soƥ tige a maad o niɓaanaa, Mari-Magdala a reta na mboy alaa, a ga ɓil le a mboy ale a wegit’eena a watnel.

A pi ake 7:55

Kaa koy, Eceen a maya fo Yiif Tedu le, too a daxaaƴooxa farna fa asamaan. Maaga, a ga’a o ndam onqe Roog, a ga a Yeesu, ta geenoox na ñamaak Roog.