YEGIL MBAAX NE YEESU ne Saŋ a bindtuuna 11:10 - NQAARIIT NE ROOG

¹⁰ Oxuu na ñaaƴaa o yeng koy, ñakkee o tolof, yaam a qoolaand a leng widiran.»

YEGIL MBAAX NE YEESU ne Saŋ a bindtuuna 11:10 Referans Kwoze

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

O baawaare xe 2:14

Oxe jegna yiif kaa ɗeetaa me ta dakaa, fanxoy fee mat a ñaaƴaa kam o niɓaan ole. Yaag oo toox de, ga’aam ee muj fa leng kut fee na cungaa a den, den ɗik fop.

A kim a tedu ke 27:2

Boo fiifi paaxeer a ƥerexiidaa paam es ndax da lisit cer es, fañ es fo noon es weene o mat na tolofkaa soo a yen.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

YEGIL MBAAX NE YEESU ne Saŋ a bindtuuna 11:9

Yeesu a doona yee: «Ndax kaa ñaal muum refee baxtu xarɓaxay fo baxtu ƭik? Oxuu na ñaaƴaa njoloor, tolofkee, yaam a qoolaand ale na adna feeke na kid um a fodaa.

YEGIL MBAAX NE YEESU ne Saŋ a bindtuuna 11:11

Yaa ta layna neene, a doona yee: «Xaariit in Lasaar kaa ɗaanaa, ndaa waraanum o yokik.»