YEGIL MBAAX NE YEESU ne Saŋ a bindtuuna 10:7 - NQAARIIT NE ROOG

⁷ Yeesu a dakooxa o lay a den ee: «No ndigil, no ndigil, mexe layaa a nuun ee: Mi refu ndokand ne no paal ke.

YEGIL MBAAX NE YEESU ne Saŋ a bindtuuna 10:7 Referans Kwoze

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

Efees 2:18

Yaaga boog, na pexey Kiristaa, in fop, o Yaawuur fo o tefee o Yaawuur, i mbaaga o ngeenoox mbaambir Roog Faap fee na pexey Yiif leng kut le.

YEGIL MBAAX NE YEESU ne Saŋ a bindtuuna 10:1

«No ndigil, no ndigil, mexe layaa a nuun ee: Oxe naageerna o reeftaa ged no ndokand ne, ndax a ñoƴaa o gur, o kuuɗ oo. Kaam ee a cuut a maak oo.

YEGIL MBAAX NE YEESU ne Saŋ a bindtuuna 10:9

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

Heseki’el 34:31

Nuun paal es, paal ke no siir ole mi, wiin nu ndefu, soo mi um ref Roog nuun. Mi o Yaal oxe na refkaa boo faw layun.»

A kim a tedu ke 79:13

In we xeet of o mat, ndefna o siir ole o gayaa, xan i ngidmang kili, simatang no suk boo no suk.

A kim a tedu ke 100:3

Andyo yee o Yaal oxe refu Roog. O ten saku a in, i ndefanin. In ndefu xeet um, o siir ole ta gayaa.

A kim a tedu ke 95:7

yaam ten refu Roog in, i ndef xeet fee ta gayaa, o siir ole o ɓay um a ɗoxaa. Xaye fee xaye, nu nanangaa o ñuxur es,

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

Heseki’el 36:38

Teeru ke mbesna a pec xan a may muut fo xa siir no wiin, nen xa siir axe kesaneena sadax fee, nen xa siir axe na ƥiseel Yeerusaleem yaa fo toofeen ke ten. Maaga, xan da and ee mi refu o Yaal oxe.»