YEGIL MBAAX NE YEESU ne Saŋ a bindtuuna 10:4 - NQAARIIT NE ROOG

⁴ Boo andoona koy ee a suta paal um fop, kaa adooxaa, da ndeef, yaam a anda o ñuxur um.

YEGIL MBAAX NE YEESU ne Saŋ a bindtuuna 10:4 Referans Kwoze

A cangatin ale 1:30

O Yaal oxe Roog nuun o mat fee na ñaaƴaa mbaambir nuun na ñoxorankaa a nuun, ne ta fi’antuuna a nuun Misira na kid nuun

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

1 Piyeer 2:21

No keene sax nu nqoyte, yaam Kiristaa itam a coono’a yaam nuun, too a xaƴana a nuun a lalgand, ndax nu ndeef o jaf um.

1 Piyeer 5:3

Ba nu mbaaƭ maa nu kelfa’itna we nu ndoxneena, ndaa fat nu ndef a lalgand no siir ole.

1 Korint 11:1

Ndeefyo o jaf es, ne um reeftaa o jaf Kiristaa.

YEGIL MBAAX NE YEESU ne Saŋ a bindtuuna 10:8

We adooxiidaxama fop, guuɗ fo a cuut oo, ndaa koy paal ke nan-gilooxee a den.

Mace 16:24

Yeesu a laya daalbe um itam ee: «Oxuu bugaxama o reefan, fat a wuus o ñis um, a gadooxaa a kurwaa um, soo a reefanaam.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Hebre 6:20

Yeesu eetu o rok a in maaga, too in sax a rokanu nen o saasadax o maak oxaa na refkaa boo faw ne ta ɗaapit’eena na Melkisedek.

Efees 5:1

Nuun we ndefna xa teɓandoong Roog axaa ta fexna, laaleenoo no keene.

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

A kim ale na kim ake 2:8

O ñuxur no xe buguuma bug oo. O ten oo xeene na garaa, a foolaa took xa coong axe, a cir-cirnaa took a ñaang ake.

YEGIL MBAAX NE YEESU ne Saŋ a bindtuuna 13:15

Kaam halan a nuun a ƭat, ndax nu ndeef o jaf es, mbi’aa ne fi’anuuma a nuun.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

A kim ale na kim ake 5:2

Kaam ɗaan’u, ndaa yiif es kaa hirnoogu. Nanaam fangax, oxe buguuma bug na koŋ-koŋnaa. O cigeen es, wo fee jaranaxama kuu refna, a nuukuur ale mi, o ñaku sik oxe mi, wetanaam, yaam xoox le mi kaa liim, wiil es a siidaa xa toq axe no yeng ole.

YEGIL MBAAX NE YEESU ne Saŋ a bindtuuna 10:3

Xan oxe fe’iidna a xaƴin ta suur, too paal ke a andda o ñuxur um. Kaa taaraa no gon mbaal nuu refna, a ɗox a den da sutoox.

YEGIL MBAAX NE YEESU ne Saŋ a bindtuuna 10:5

Ndeefankee o kenar. Kaa nqofaa no ten bo, yaam andee o ñuxur um.»

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.