YEGIL MBAAX NE YEESU ne Saŋ a bindtuuna 10:3 - NQAARIIT NE ROOG

³ Xan oxe fe’iidna a xaƴin ta suur, too paal ke a andda o ñuxur um. Kaa taaraa no gon mbaal nuu refna, a ɗox a den da sutoox.

YEGIL MBAAX NE YEESU ne Saŋ a bindtuuna 10:3 Referans Kwoze

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

YEGIL MBAAX NE YEESU ne Saŋ a bindtuuna 10:4

Boo andoona koy ee a suta paal um fop, kaa adooxaa, da ndeef, yaam a anda o ñuxur um.

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Saŋ a bindtuuna 10:14

Mi koy, mi refu o kaynaak o paax oxe. Kaam and paal ke mi, da andaam,

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

O leetar ole Pool a bindna GIMU WE NGENNA ROM 8:30

We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

YEGIL MBAAX NE YEESU ne Saŋ a bindtuuna 6:45

A binde no leng na safe ke no duleer we yee: ‹Den fop, xan Roog a jangin a den.› Neene itam, oxuu andoona yee a nana ke Faap fee a layna, too a jaɓ a cangin um, xan a gar me mi.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

Esayi 42:16

Xam ñaaƴnoor fuul we na ƭat alaa da and’eerna, ɗox a den na qal akaa da mos’eerna o ndeef. Xam suptan a den o niɓaan ole a qoolaand, soo a qalnqaluuƈ ake, um fodrand a den. Keene refu ke um fadinkaa, too dakooxkiim teen a cinj.

A kim ale na kim ake 8:13

Wo fee genna na ƭing ake, qaariit ke mi owe ndunga nof no ñuxur of, ngela nannooraam o ten!

A sutax ale 33:17

Maaga, o Yaal oxe a laya a Moyiis ee: «Xam fi ke o xeɗaxam, yaam ci’aaxoong yirmande es too andaaxoong tigi.»

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

A kim a tedu ke 80:1

O yaal a ƭat ale no jeejeek we a xoolne yee a kim alene kaa saq o jangooƭ a kim ale ne’eena «Piɗ ke no ngiɓoor ne». A kim a tedu laa fogna na ke Asaf oo.

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.

1 Korint 16:9

yaam kaa jeg meeke calel maak kaa njegna o njiriiñ lool, ke fañ we a mayna may fop oo.

Xa peƭit axe 27:23

Topatooxi a paax paal ke fo pambe ke wo, gaynaak a ked ake wo,

YEGIL MBAAX NE YEESU ne Saŋ a bindtuuna 10:9

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

1Saŋ 4:6

In o mat, na Roog i mbogu. Oxe andna a Roog, kaa nan-gilooxaa a in. Oxe fogeerna na Roog koy, nan-gilooxkee in. Meene i andtaa Yiif le no ndigil ne fo yiif le na mo’andaa.

3Saŋ 1:14

Kaam bug o cung bo i njasnoor, yaam Roog a fi’angaan, ndiiki um ɗeetiid a nuun. A koom, xan i mbaag o layit fop.