YEGIL MBAAX NE YEESU ne Saŋ a bindtuuna 10:2 - NQAARIIT NE ROOG

² Oxe andoona koy ee no ndokand ne a reeftaa refu o kaynaak oxe.

YEGIL MBAAX NE YEESU ne Saŋ a bindtuuna 10:2 Referans Kwoze

YEGIL MBAAX NE YEESU ne Saŋ a bindtuuna 10:14

Mi koy, mi refu o kaynaak o paax oxe. Kaam and paal ke mi, da andaam,

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

A kim a tedu ke 23:1

A kim a tedu laa fogna na ke Dawid oo. O Yaal oxe na gayaxam, ñakiim dara.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

O baawaare xe 12:11

Fa lay no jegu yiif we kaa nand nen o loq o xurir naak, xa peƭit axaa mbokateena a nand nen xa teng xa taaƴe. Ci’it Roog oo fee refna o Kaynaak o leng kut oxe.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

1 Timote 4:14

Ba o yapatil ci’it ne doxnee’oona, too o daawtin na pexey we na njo’tanaa a Roog, a soƥ maak we no mbokatax ne no gimu we a ndoon xa ƥay den took xoox of, a nqeɗanang.

YEGIL MBAAX NE YEESU ne Saŋ a bindtuuna 10:9

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

YEGIL MBAAX NE YEESU ne Saŋ a bindtuuna 10:7

Yeesu a dakooxa o lay a den ee: «No ndigil, no ndigil, mexe layaa a nuun ee: Mi refu ndokand ne no paal ke.

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

Sakari 11:5

paal keene jiijik den a mbaraa too mbi’iran ta ref tig, we na njikooxaa a den a layaa yee: ‹Roog ndok! I njegata xaaliis!›, too gaynaak den itam njegee na den yirmande fa leng.

Sakari 11:3

Nan-gilooxyo xa iin axe no gaynaak we, yaam xa kayand den a nduudne. Nan-gilooxyo bumb le no cogoy canglax ke, yaam ngenand den no joc ole Yordaan a fiita.

Heseki’el 34:23

Xam dalnan a den o kaynaak o leng kut oxaa na gaykaa a den, ta ref a Dawid fee o tag es. Xan a gay a den, a ref o kaynaak den.

A kim a tedu ke 80:1

O yaal a ƭat ale no jeejeek we a xoolne yee a kim alene kaa saq o jangooƭ a kim ale ne’eena «Piɗ ke no ngiɓoor ne». A kim a tedu laa fogna na ke Asaf oo.

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

1 Piyeer 2:25

Yaam kaa nu nand’u nen fo mbaal fo mo’u, ndaa ndiiki nu nomtooxa me no xe na gayaa, too a yetooxaa xa laaw nuun.

Tiit 1:5

Waas’aaxoong Keret, ndax o fadand ke jagandoogeena. Ne regdinoorit’­oonga o ten, na teeru fuu refna, dodi maaga maak gimu, da adooxan mbokatax ne.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Mise 5:5

Weene xan a maadooxan saax le Asuur fo laƥ, a maadooxan saax le Nimrood fo ƥonax mboose. Neene o maad oxe na jam fee a watitkaa a in no Aa-asuur we, yaa da songiidkaa saax le in, boo a caf ake den a ndak no fiisel ole in.

Esayi 63:11

Maaga, xeet um a mbetandooxa ñaal ke yaaga fa Moyiis. Taa oxe suttuuna na foofi, ndax ta ref o kaynaak oxe no siir um? Ndi taa oxe ci’uuna Yiif Tedu le ten?

Mace 15:11

Refee yee ke na rokaa no don na roɗgandaa o kiin, ndaa ke na sutooraa teen na roɗgandan.»