YEGIL MBAAX NE YEESU ne Saŋ a bindtuuna 10:18 - NQAARIIT NE ROOG

¹⁸ O leng suqtiran na mi, mi o mat na cooxtan no fud-o-letu. Jegaam sañ-sañ faa cooxtitanuuma fa sañ-sañ faa jangtanuuma: Keene mat refu ke Faap fee a heblaxama.»

YEGIL MBAAX NE YEESU ne Saŋ a bindtuuna 10:18 Referans Kwoze

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

YEGIL MBAAX NE YEESU ne Saŋ a bindtuuna 10:17

Faap fee kaa fexaam, yaam ne naruuma o ɓoxot o ñis es, jangatinin.

YEGIL MBAAX NE YEESU ne Saŋ a bindtuuna 14:31

Kaa koy, ndax adna fop a and ee fexaam a Faap fee, too ke ta hebilna rek um reefaa, inooxyo i ndet.»

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

YEGIL MBAAX NE YEESU ne Saŋ a bindtuuna 15:10

Nu naangangaa o ngayaa kebil ke mi, xan nu ngen no mbeq es, yaam neene o mat gaytum kebil Faap es boo gen no mbeq um.

YEGIL MBAAX NE YEESU ne Saŋ a bindtuuna 10:11

Mi refu o kaynaak o paax oxe. O kaynaak o paax kaa cooxtaa o ñis um yaam paal ke ten.

A pi ake 3:15

Neene, nu mbarnoora o Kelwaar oxe na ci’taa o ñoow, ndaa Roog a xontooxnooraan a ndeer no xon we. Ten o mat i seede’anaa.

A pi ake 2:24

Kaa koy, Roog a xontooxnooraan, too a muclin na xa ƭomel axe fa nqon a ataa, yaam fa nqon waag’iran o jeng na sañ-sañ um.

YEGIL MBAAX NE YEESU ne Saŋ a bindtuuna 5:30

«A yoqtangee dara ndax na mi soom, waagiim o fi dara. Ne um nantaa um hate’taa, too kate ne mi kaa jof bo, yaam naagiim o waaƭaa ke buguuma, ndaa ke oxe lulaxama a bugna.

A pi ake 2:32

Yeesu feene, Roog xontooxnoorun, too in fop seede i ndefu itam.

YEGIL MBAAX NE YEESU ne Saŋ a bindtuuna 19:11

Yeesu a doonaan ee: «Jegkoogiro sañ-sañ fa leng na mi, Roog a coox’angirang o ten. Ten taxu, oxe ɓoxotaxama a ndeer xa ƥay of a fi’a bakaad faa moƴna o magin fee wo.»

YEGIL MBAAX NE YEESU ne Saŋ a bindtuuna 10:15

ne andtuuma a Faap fee, Faap fee a andaam. Kaam cooxtaa o ñis es yaam paal ke mi.

YEGIL MBAAX NE YEESU ne Saŋ a bindtuuna 5:26

Yaam ne Faap fee fa xoox um a ñoownitaa, a ci’tu o Ƥeenqe itam ta ñoownaa.