YEGIL MBAAX NE YEESU ne Saŋ a bindtuuna 10:16 - NQAARIIT NE ROOG

¹⁶ Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Saŋ a bindtuuna 10:16 Referans Kwoze

Esayi 56:8

O Yaal oxe na refkaa boo faw, oxe na fokataa we ndaxeena na Isra’el kaa tee: «Xam fokatahin lakas waa mbogreerna fo we fokatuuma boo ƴut.»

1 Piyeer 2:25

Yaam kaa nu nand’u nen fo mbaal fo mo’u, ndaa ndiiki nu nomtooxa me no xe na gayaa, too a yetooxaa xa laaw nuun.

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

Heseki’el 34:23

Xam dalnan a den o kaynaak o leng kut oxaa na gaykaa a den, ta ref a Dawid fee o tag es. Xan a gay a den, a ref o kaynaak den.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

YEGIL MBAAX NE YEESU ne Saŋ a bindtuuna 10:11

Mi refu o kaynaak o paax oxe. O kaynaak o paax kaa cooxtaa o ñis um yaam paal ke ten.

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

1 Piyeer 2:10

Nuun we andoona yee yaaga «nu ndeeƭee xeet um», ndiiki nu ndefata «xeet fee Roog». Nuun we «ndaaw’eerna yirmande», ndiiki «nu ndaawata yirmande».

2 Tesalonik 2:13

In o mat, kaa i mbar o ngidmanaa a nuun a Roog mbeet oo mbeet, nuun fog we o Yaal oxe a fexna. Kaa jil a nuun no mberaandoong naa, ndax ta muclit a nuun Yiif le na tedlandaa, fo yaam ne nu ngimna ndigil ne.

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

A kim a tedu ke 86:9

Wo o Yaal oxe, wo saku qeet ke fop. Xan a ngar, a ngung na caf of soo a ƥoxot gon of o ndam.

A pi ake 22:14

A doona teen ee: ‹Roog fee no daan we in kaa jilong yaaga, ndax o and ke ta bugna, o ga o Cofu xe, nan ke ta layoodkaa.

A pi ake 18:10

yaam mexey fa wo. O leng doonkee o ɓay took of, ndax ta fi’ong paaxeer. Jegaam wiin mayu kam teeru feeke.»

A pi ake 15:14

Simoŋ a wetandooxa ne Roog a ɗeetit’ina no mberaand naa kam no we ndefeerna Yaawuur, ndax ta jilit a ndeer den xeet faa refanuuna.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Heseki’el 37:22

Maaga, xam fokat a den, too xan a ndefat xeet fa leng kut took xa coong axe Isra’el. O maad o leng kut na bugko maadooxanaa a den fop. Ndefkatee qeet ƭik, too nqaajoorkatee, a ndef maat ƭik.

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

Esayi 43:6

Xam lay o ɓemb-roog o janoon ee: ‹Cooxti a den›, soo o ɓemb-roog o ñamaak, um layin ee: ‹Ba o geek a den.› Nomtitiidyo xa ƥees xa koor na saax a koƭu ke, soo xa ƥees xa tew no cat adna.

O baawaare xe 12:11

Fa lay no jegu yiif we kaa nand nen o loq o xurir naak, xa peƭit axaa mbokateena a nand nen xa teng xa taaƴe. Ci’it Roog oo fee refna o Kaynaak o leng kut oxe.

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

YEGIL MBAAX NE YEESU ne Saŋ a bindtuuna 10:2

Oxe andoona koy ee no ndokand ne a reeftaa refu o kaynaak oxe.

Esayi 11:10

A koom, xan saqit laa hatna na paƴ Isay a ref o anddiloor no qeet ke fop, a saax ake fop a njagniid me ten, too o ndam onqe xan a meleƈit no ngenand um.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

Heseki’el 34:6

Paal ke mi we njoqooyooxaa took xa coong axe fop fo took a ñaang a ciig ake fop. Paal ke mi a pasarooxa kam saax le fop, o leng topatooxee a den, o leng waaƭee a den.

Heseki’el 34:12

Ne o kaynaak a fokattaa o siir um, yaa paal um a pasaroorna, neene um topatooritkaa paal es. Xam waaƭik cegel es no fo mbiñ ne da pasaroox’ina, a jopir ñaal a kuy fo o niɓaan.

YEGIL MBAAX NE YEESU ne Saŋ a bindtuuna 10:3

Xan oxe fe’iidna a xaƴin ta suur, too paal ke a andda o ñuxur um. Kaa taaraa no gon mbaal nuu refna, a ɗox a den da sutoox.

YEGIL MBAAX NE YEESU ne Saŋ a bindtuuna 10:4

Boo andoona koy ee a suta paal um fop, kaa adooxaa, da ndeef, yaam a anda o ñuxur um.

YEGIL MBAAX NE YEESU ne Saŋ a bindtuuna 10:5

Ndeefankee o kenar. Kaa nqofaa no ten bo, yaam andee o ñuxur um.»

YEGIL MBAAX NE YEESU ne Saŋ a bindtuuna 17:20

Xeɗaniim a den, den soom, ndaa itam we na ngimkaa na mi yaam fa lay den,

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

YEGIL MBAAX NE YEESU ne Lik a bindtuuna 15:8

«O tew oxuu jegna xa qanjar xarɓaxay xaaliis fa nqoolu, soo a mo’iɗ teen o leng, ndax heƥandkee o lampa, a leelaa mbind ne, a waaƭaa o ndang boo yaa ta ga’uuna?