YEGIL MBAAX NE YEESU ne Saŋ a bindtuuna 10:14 - NQAARIIT NE ROOG

¹⁴ Mi koy, mi refu o kaynaak o paax oxe. Kaam and paal ke mi, da andaam,

YEGIL MBAAX NE YEESU ne Saŋ a bindtuuna 10:14 Referans Kwoze

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

YEGIL MBAAX NE YEESU ne Saŋ a bindtuuna 10:11

Mi refu o kaynaak o paax oxe. O kaynaak o paax kaa cooxtaa o ñis um yaam paal ke ten.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

A kim a tedu ke 1:6

O Yaal oxe kaa yoonaa jofu we na ƭat den, soxodu we koy, a ƭat den a jagin na saŋkax.

Mbeeñil 2:2

Kaa tee: Andaam a pi of fop fo calel ƭomu of fo o saƭkel ole jegoona. Andaam itam ee waagiro o fi’ir fo hañaan we, yaam ɗeetlooxaa we na layooxaa apootar, too ndefiran, boo ga ee maamaaɓ a ndefu.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

Efees 3:19

Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.

YEGIL MBAAX NE YEESU ne Saŋ a bindtuuna 17:8

yaam daawnaam a den a ƭelem ake cooxaxamoona, too a njaɓa a den. A anda tigi yee na wo hatum, too a ngima yee wo luliidaxam.

Mbeeñil 2:19

Kaa tee: Andaam a pi of fop. Andaam itam o mbeq of fo o ngim of fo a koorgoorlax of no dimle’aa lakas we fo o saƭkel of. Andaam koy o mat ee ke o jalaa ndiiki hupu ke jaloogoona no mberaandoong naa.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Mbeeñil 3:15

Kaa tee: Andaam ke fi’oona. Andaam ee o ngim of ñufee too kaƥee. Yaasam ta ñuf mbaat ta kaƥ!

Mbeeñil 3:8

Kaa tee: Andaam ke o fi’aa fop. Andaam itam ee katil of mayee. Yaqanee o gayaa fa lay es, too xañiraamo. Kaam wet mbaambir of begax naa o leng a waageerna o weg.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Esayi 53:11

Xan a ga a qoolaand ale too xan a deyƭoox yaam coono ke ta gomna. O tag es o cofu xe xan a jofand wiin mayu, yaam ne da anduuna, a gadoox njofaƭar den.

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

Nahum 1:7

O Yaal oxe a faaxa. Kaa ref ndaɗand yaa fa naqad, a topatooxaa we ngoolooxuuna.

YEGIL MBAAX NE YEESU ne Saŋ a bindtuuna 10:13

O gaylooƥe le, o nanangaa ta ƴufaa, kaa jegoodee paal ke, too ngaaliran lool.