YEGIL MBAAX NE YEESU ne Saŋ a bindtuuna 10:11 - NQAARIIT NE ROOG

¹¹ Mi refu o kaynaak o paax oxe. O kaynaak o paax kaa cooxtaa o ñis um yaam paal ke ten.

YEGIL MBAAX NE YEESU ne Saŋ a bindtuuna 10:11 Referans Kwoze

YEGIL MBAAX NE YEESU ne Saŋ a bindtuuna 15:13

O mbeq jolkee jaɓ o xon yaam qaariit of.

A kim a tedu ke 23:1

A kim a tedu laa fogna na ke Dawid oo. O Yaal oxe na gayaxam, ñakiim dara.

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

2 Sami’el 24:17

Ye Dawid a ga’na malaaka fee saŋkoogna xeet fee, a laya o Yaal oxe yee: «Mi bakaadu, mi o mat tooñu! Wiin weeke mbi’ee dara kaa faaxaƭarna. Yaaga boog, mi fo ƥasil es mbare o nqaw.»

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

Heseki’el 34:23

Xam dalnan a den o kaynaak o leng kut oxaa na gaykaa a den, ta ref a Dawid fee o tag es. Xan a gay a den, a ref o kaynaak den.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Esayi 53:6

Kaa i mbirlooxoogu in fop nen fo mbaal fo mo’u, oxuu refna a sak a ƭat xoox um, ndaa o Yaal oxe a doona took um njofaƭar in, in fop.

A kim a tedu ke 80:1

O yaal a ƭat ale no jeejeek we a xoolne yee a kim alene kaa saq o jangooƭ a kim ale ne’eena «Piɗ ke no ngiɓoor ne». A kim a tedu laa fogna na ke Asaf oo.

Mise 5:4

Ten fa xoox um na refkaa jam fee!» Yaa Aa-asuur we a songiidkaa saax le in, boo a ndok no pind mosu ke in, xan i ngebil took den aa-adax jaaku, sutan a den gelwaar mayu.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Heseki’el 34:2

«Wo fee o ƥiy no kiin, jo’tanaam, jo’tanaam a den, den ɗooɗox we Isra’el ee: Keeke o Yaal oxe na refkaa boo faw a layu: Sabab took ɗooɗox we Isra’el na ƭoxaa a qoox den! Ndax ɗooɗox we mbar’ee o ƭoxaa o siir ole?

YEGIL MBAAX NE YEESU ne Saŋ a bindtuuna 10:2

Oxe andoona koy ee no ndokand ne a reeftaa refu o kaynaak oxe.