YEGIL MBAAX NE YEESU ne Saŋ a bindtuuna 1:51 - NQAARIIT NE ROOG
51 Yeesu a doona taaga yee: «No ndigil, no ndigil, xan nu nga’ataa asamaan a wetoox, soo malaaka ke Roog a ŋaayaa, a mbudooxaa me o Ƥeenqe no kiin oxe a refna.»
Yeesu a doonaan ee: «Mi refun moos, too xan nu nga o Ƥeenqe no kiin oxe a moof na ñamaak no Cegu katil oxe, soo a garaa took a eel ake, a inoortiid na asamaan.»
No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.
Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»
soo nuun we toroxandeena, ta ci a nuun a ñootnax, a ci’in a in itam. Xan Roog a fadin keene fop, yaa o Yaal oxe Yeesu a inooritkaa na asamaan, a yoon fo malaaka cegu katil ke ten,
Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.
Henok, o taan ɓetuu fa lengandeer xotitna na Aadama, a yegnita yaaga padafuleer kaa jofna na den ee: «Nan-gilooxyo, xan o Yaal oxe a gar, a yoon fo cuni-cuni ke mbogna fo ten.
O Ƥeenqe no kiin oxe xan a xon, ne a Pind a Tedu ke a laytuuna no ten. Kaa koy, ndaw sabab took no xe na ɓoxotkaa o Ƥeenqe no kiin oxe. Ñak’el o rim sax moƴ’u no ten.»
No ndigil, no ndigil, mexe layang ee: Ye o refaa no ndeƥandoong, kaa o xiisnanoogu a xoox of o kurcala of, retaa maa feloonga. Kaa koy, boo nogoyoona, kaa o bugko letnaa xa ƥay of, o lakas a xiisnanong o ten, a ɓisang maa bugeeroona.»
Yeesu a doona a den ee: «No ndigil, no ndigil, mexe layaa a nuun ee: Reeƭee yee Moyiis ci’u a nuun mbuuru aa-asamaan, Faap es kañ na ci’aa a nuun mbuuru aa-asamaan ndiindigil ne.
No ndigil, no ndigil, mexe layaa a nuun ee: Xan nu loolaa, mbaɗooxaa, adna fee a mbi’in baneex. Kaam ee xan nu ndef na naqad, ndaa koy leng a jega: Xan naqad feene a suptoox o ɗaay.
Yeesu a ɓaata o lay a den ee: «No ndigil, no ndigil, mexe layaa a nuun ee: O Ƥeenqe waagoodee dara. Ke ta fi’aa fop, kaa ga Faap um a fi’an. Kuu Faap fee a fi’aa, o Ƥeenqe kaa fi’an itam.
Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»
Kaa koy, kaam bug nu and ee o Ƥeenqe no kiin oxe a jega sañ-sañ faa ta waasantaa pakaad na adna fee.» Maaga, a laya o ƥoof oxe yee: «Inooxi, jang njong of, too xaad!»
«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.
Yeesu a doona a den ee: «No ndigil, no ndigil, mexe layaa a nuun ee: Refee yee yaam ne nu nga’na xa anddiloor taxu nu mbaaƭaxam, ndaa yaam ne nu ñaamneena puuru boo naag tem.