YEGIL MBAAX NE YEESU ne Saŋ a bindtuuna 1:49 - NQAARIIT NE ROOG

⁴⁹ Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

YEGIL MBAAX NE YEESU ne Saŋ a bindtuuna 1:49 Referans Kwoze

YEGIL MBAAX NE YEESU ne Saŋ a bindtuuna 1:34

Ga’aam, too seede’anaanum ee o ten refu o Ƥeenqe Roog.»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.

YEGIL MBAAX NE YEESU ne Lik a bindtuuna 19:38

Kaa layoogu yee: «O Maad oxe na garaa no gon le no Yaal oxe a hela simatel! Jam took asamaan fo o ndam took-ee-took!»

Mace 27:42

«A mucla lakas we, too waagee o mucil a xoox um! A refangaa o maad Isra’el, fat a fudoox a kurwaa le, too xan i ngim no ten.

Mace 21:5

«Layyo a Siyoŋ, o ndoog onqe yee: O maad of oxey a garaa me wo, kaa ɓuuɓ, too took o faam a ŋaayu, took o mol, o ƥiy no faam o jalir.»

Mace 2:2

«Taa o maad oxe no Yaawuur we sogeena o rim? Kaa i nga o xoor um no batand boo ten taxu i ngar ndax i mbaɗooxin.»

YEGIL MBAAX NE YEESU ne Saŋ a bindtuuna 1:38

Yeesu a wiƈaqilooxa, a ga a den. Ye ta ga’na yee kaa ndeefanan, a laya a den ee: «Xar nu mbaaƭaa?» Ngoor kaa a ndoonaan ee: «Rabi (kaa tekit ‹o Caajangin oxe›), mam geno yee?»

Mace 27:11

Yaa Yeesu a ɓisiideena mbaambir gofornoor faa, oxeene a laamtaan ee: «Wo refu o maad oxe no Yaawuur we?» Yeesu a doonaan ee: «Wo ne’un!»

Mace 14:33

Waa ndeeƭna kam suk naa a ngara, a ngooknoox mbaambir Yeesu, a layin ee: «O Ƥeenqe Roog refo ndigil!»

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

Dañel 9:25

Andi kene boog: Ke xotitna no ke layeena yee xan Yeerusaleem a nomtel ne ta reeƭna, a maxatinel boo na kar ale na Kelfa fee na ɗuumkeel, xa kiid ɓetaa ƭaq boo a caf ɓetuu ƭik a refkaa. Cinj kaaga, teeru fee fo saŋe ke ten xan a maxatineel xa kiid ɓetaa ƭaq boo a caf qarɓeen ɓetuu fa leng fo a caf a ƭak, ndaa a pe a ƭomu a jopirkaa.

A kim a tedu ke 2:6

«Mi dalnu o maad es took Siyoŋ fee o joong o tedu le mi.»

Mace 4:3

O poofog oxe a matiidaan, too a layin ee: «O refangaa o Ƥeenqe Roog, supti a kac akeeke da ndef puuru.»

Mace 23:7

A mbexa o simnel kam qel ke, too a mbuga wiin we a nqoyaa a den ‹O caajangin o maak!›

Mace 23:8

Nuun o mat, ba nu ne’oox ‹O caajangin o maak!›, yaam o leng soom refu o Caajangin nuun. Nuun fop, fog nu ndefu.

Mark 15:32

Fat Kiristaa fee o Muumucil oxe regteena refna o maad Isra’el a fudoox a kurwaa le ndiiki, ndax i nga too ngim.» Waa ndeng’eena fo ten itam kaa mbenoogun.

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

YEGIL MBAAX NE YEESU ne Saŋ a bindtuuna 1:50

Yeesu a doonaan ee: «Ke layoonga yee ga’aaxoong, a soƥ o ref yoora ndun naa soom taxu o gim! Xan o ga kaa hupna keene toox de!»

YEGIL MBAAX NE YEESU ne Saŋ a bindtuuna 4:31

Kaaga kaa soƥ’u daalbe we ten a mbam’an, a ndamin na: «O Caajangin oxe! Gari ñaam waay!»