YEGIL MBAAX NE YEESU ne Saŋ a bindtuuna 1:47 - NQAARIIT NE ROOG

⁴⁷ Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

YEGIL MBAAX NE YEESU ne Saŋ a bindtuuna 1:47 Referans Kwoze

Mbeeñil 14:5

O maaɓ o leng mosee o sutoor no don den, yaam njegee sik fa leng.

A kim a tedu ke 73:1

A kim a tedu laa fogna na ke Asaf oo. No ndigil, Roog a faaxa na Isra’el, no we njegna xeeñ xoolu.

A kim a tedu ke 32:2

Ndaw o ɗaay no xe o Yaal oxe a ɗeeteerna tooñ um, too nqooƭ nof refee no ten.

O leetar ole Pool a bindna GIMU WE NGENNA ROM 9:4

Weene ndefu Ii-isra’el we, too Roog a fi a den xa ƥeem. A feeñla a den o ndam onqe ten, a dalin fa den kiɓoor ke ten, a coox a den kebil ke fo a tegit ake ten, soo a andnoor a den ne ta wareena o faɗoorit.

O leetar ole Pool a bindna GIMU WE NGENNA ROM 9:6

Nof es ɗaaɗee o lay muk ee fa lay fee Roog kaa sañtooxaa, ha’aa! Kaa rek, fog na xeet fee Isra’el taxee fog na xeet fee Roog a jilna,

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

1 Piyeer 2:22

«Ten koy, mosee o fi bakaad, too o leng mosee o nan xa maaƥ a sutooraa no don um.»

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

YEGIL MBAAX NE YEESU ne Saŋ a bindtuuna 8:39

A ndoonaan ee: «Abraham refu faap in fe!» Yeesu a laya yee: «Nu ndeeƭangaa xa ƥiy Abraham, nu saq a pi’oorooƭ Abraham.

YEGIL MBAAX NE YEESU ne Saŋ a bindtuuna 2:25

Soxla’ee itam o leng a seede’an o kend um, yaam o ten fa xoox um a anda ke refna no kiin oo kiin.

YEGIL MBAAX NE YEESU ne Saŋ a bindtuuna 4:16

Yeesu a layaan ee: «Reti xoyiid o kor of.»