YEGIL MBAAX NE YEESU ne Saŋ a bindtuuna 1:45 - NQAARIIT NE ROOG

⁴⁵ Filip oo, a xeta fa Natana’el, soo a layin ee: «I nga’a oxe Moyiis a bindna no kebil ke, duleer we a lay kaa jofna no ten, ta ref Yeesu o Naanasaret oxe, o ƥiy Yoseef.»

YEGIL MBAAX NE YEESU ne Saŋ a bindtuuna 1:45 Referans Kwoze

YEGIL MBAAX NE YEESU ne Lik a bindtuuna 24:27

Maaga, Yeesu a tektana a den ke lay’eena no kaa farna no ten kam a Pind a Tedu ke fop, a eetit na safe ke Moyiis boo a suur na safe ke no duleer we fop.

Mise 5:2

Ten taxu xan o Yaal oxe a xaƴ xeet um boo no camaane kaa o tew oxe na fudkan a ñootkaa rek. Maaga, we na yoqkaa no fog um we pasaroox’ina xan a nomtooxiid me no Ii-isra’el lakas we.

Mace 2:23

a genik na teeru faa Nasaret. Neene, ke reefandeena no duleer we a fadnooru: «Xan a xoyeel o Naanasaret.»

YEGIL MBAAX NE YEESU ne Lik a bindtuuna 24:44

Cinj kaaga, a laya a den ee: «Kene refu ke layooguuma a nuun, ye maaduuma o refaa fa nuun, ndax ke bind’eena na mi fop kam a safe ke Moyiis fo na safe ke no duleer we fo na Kim a tedu ke a fadnoox.»

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

YEGIL MBAAX NE YEESU ne Lik a bindtuuna 4:22

Fop kaa seede’anoogun, too fa lay fa nqoolu fee sutoorit’ina no don um a bet’a a den. Yaqanee koy da laamtiraa yee: «Ndax kaa refee o ƥiy Yoseef?»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Sakari 6:12

Fat o layin ee: ‹Keeke o Yaal oxe Hupna fop a layu: O koor oxe ne’eena Dugatin oxey. Fop xan a jolit ɗuga a caf um, soo ta max Mbind es, mi o Yaal oxe.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

YEGIL MBAAX NE YEESU ne Saŋ a bindtuuna 18:7

Yeesu a dakooxa o laamit a den ee: «An nu mbaaƭaa?» A ndoona yee: «Yeesu o Naanasaret oxe.»

Esayi 4:2

A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Mark 6:3

Ndax refee o taadaaƴ oxe, o ƥeenqe Mari, o maag oxe Saak fa Yoose fa Yudaa fa Simoŋ? Ndax jigeen we ten ngenee fa in mene?» Kaaga a yaqan’a a den da ngim no ten.

Mace 21:11

Wiin mayu a layooga yee: «Yeesu o Naanasaret oxe yoo, o tuleer oxe inoorna no jegel olaa Galile.»

Mberaand 49:10

O samb o ɗoxir ole sambirkee fa Yudaa, too o anddiloor kelfa le goƭkee a caf um, boo yaa oxe jeguuna a garkaa, oxe qeet ke fop a nanankaa.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

A pi ake 22:8

Laamtaanum ee: ‹Wo an oo, o Yaal oxe?› Maaga, a layaxam ee: ‹Mi yoo, mi Yeesu o Naanasaret oxe o ñagadilaa!›

YEGIL MBAAX NE YEESU ne Saŋ a bindtuuna 21:2

Simoŋ Piyeer fa Tomaa fee na xoyeel Didiim fa Natana’el fee genna Kana no jegel olaa Galile fo xa ƥiy axe Sebede fo daalbe Yeesu ɗik lakas yoon’u.

YEGIL MBAAX NE YEESU ne Lik a bindtuuna 2:4

Yoseef itam a inoora na teeru faa Nasaret no jegel olaa Galile, ndax ta ret na teeru faa Dawid, ne’eena Betleheem, no jegel olaa Yudee. Ten fa xoox um no kurcala le Dawid a fog’u.

Mark 14:67

Yaa ta ga’na a Piyeer a raƭooxaa, a naagaan jak a kid, soo a layin ee: «Wo itam, reeƭaa fa Yeesu o Naanasaret oxe.»

Mace 13:55

Ndax kaa refee o ƥeenqe no taadaaƴ oxe? Andum refee o ƥeenqe Mari, too Saak fa Yoseef fa Simoŋ fa Yudaa a ndef xa teɓ um?

A pi ake 26:9

Mi fa xoox es sax, kaam xalaatoogu yee wareem o gomir no kuu refna, ndax um ñuf gon le Yeesu o Naanasaret oxe.

A pi ake 3:6

ndaa Piyeer a layaan ee: «Jegiim xaaliis, jegiim wurus, ndaa ke jeguuma, xam cooxong o ten. No gon le Yeesu Kiristaa o Naanasaret oxe, inooxi too ñaaƴ!»

A pi ake 2:22

Nuun wiin we Isra’el, nan-gilooxyo ke um layiidaa a nuun. Yeesu o Naanasaret oxe a reeƭa o kiin oxaa andoona yee Roog feeñlun mbaambir nuun. Roog fa xoox um koy, a fi’a a pi katil fo comlaand fo xa anddiloor na pexey o kiin oxeene, ne nu andtuuna nuun fa qoox nuun.

YEGIL MBAAX NE YEESU ne Saŋ a bindtuuna 19:19

Ndax ta lalit ke taxna ta rengel, Pilaat a dalfooxa o bindin ee: «Yeesu o Naanasaret oxe, o maad oxe no Yaawuur we», soo ta daaƴel took a kurwaa le.

YEGIL MBAAX NE YEESU ne Saŋ a bindtuuna 18:5

A layaan ee: «Yeesu o Naanasaret oxe.» A doona a den ee: «Mexey!» Yudaa fee naruuna o ɓoxot o mat, oxe geenooxa a ndeer den.

YEGIL MBAAX NE YEESU ne Saŋ a bindtuuna 6:42

A laya yee: «Andum tiye kaa refatee Yeesu fee o ƥiy Yoseef, rimeena na kid in, baa um oo ya um oo, fop i and a den? E, nam a waagu o layit boog ee: ‹Na asamaan fudoorum›?»

YEGIL MBAAX NE YEESU ne Lik a bindtuuna 3:23

Yeesu a jeg’a ngap xa kiid qarɓeen tadik, soo a sogkaa o waare’aa. Kaa nand’u wiin we yee Yeesu refu o ƥiy Yoseef, Yoseef a ref o ƥiy Eeli, Eeli a ref o ƥiy Matat,

Mace 10:3

A jega itam a Filip fa Bartelemi fa Tomaa fa Mace fee rabdinooxoogna juuti, fa Saak fee o ƥiy Alfe fa Tade fa

YEGIL MBAAX NE YEESU ne Lik a bindtuuna 2:48

Yaa faap umiin a nga’uuna, kaaga a bet’a a den. Maaga, ya um a layaan ee: «O ƥees, xar taxu o fi a in kene? Mi fa faap of kaa i mbaaƭong boo nof in a mboɗaxat.»

YEGIL MBAAX NE YEESU ne Saŋ a bindtuuna 1:44

Filip oxe gen’a Betsayda. Andare fa Piyeer na teeru faaga a ngen’u itam.

YEGIL MBAAX NE YEESU ne Saŋ a bindtuuna 6:5

Yaa ta ƴooklooxna boo a ga wiin mayu a nqotiidaa farna fa den, Yeesu a laamta a Filip ee: «Ndi mam i njegitkaa puuru ndax wene a njeg kaa da ñaamna?»

YEGIL MBAAX NE YEESU ne Saŋ a bindtuuna 6:7

Filip a doonaan ee: «Andaam ee i njik’angaa xa qanjar teemeed ƭik sax oo xetandkee a den, deykee a den njemaƭax sax!»

YEGIL MBAAX NE YEESU ne Saŋ a bindtuuna 12:21

A ngara maa Filip fee genna Betsayda no jegel olaa Galile, a nqeɗooxin ee: «Yaal mbind! In de, Yeesu i soxla’u.»

YEGIL MBAAX NE YEESU ne Saŋ a bindtuuna 14:8

Filip a layaan ee: «O Yaal oxe, lali a in a Faap fee, too kaaga xan a dey a in.»

YEGIL MBAAX NE YEESU ne Lik a bindtuuna 18:37

A jega oxaa layuuna yee: «Yeesu o Naanasaret oxe na waanaa.»