YEGIL MBAAX NE YEESU ne Saŋ a bindtuuna 1:34 - NQAARIIT NE ROOG

³⁴ Ga’aam, too seede’anaanum ee o ten refu o Ƥeenqe Roog.»

YEGIL MBAAX NE YEESU ne Saŋ a bindtuuna 1:34 Referans Kwoze

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

Mace 4:3

O poofog oxe a matiidaan, too a layin ee: «O refangaa o Ƥeenqe Roog, supti a kac akeeke da ndef puuru.»

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Mbeeñil 2:18

«Bindanaam a malaaka fee na yetooxaa mbokatax ne no gimu we kam teeru faa Tiyatiir ee: ‹Fa lay feeke kaa inoor no Ƥeenqe Roog, a kid um a miric-miricnaa nen ƈulfaan fiɗel, a caf um a telelaa nen xanjar faa naayneena na fiɗel boo a xawnel.

O leetar ole Pool a bindna GIMU WE NGENNA ROM 1:4

ndaa na pexey Yiif Tedu le, a feeñle fa doole yee o Ƥeenqe Roog a refu, ye ta xontooxna a ndeer no xon we: O ten refu Yeesu Kiristaa o Yaal in.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

1Saŋ 4:9

Mene o mbeq onqe Roog a feeñtu na in: A luliida o Ƥiy o leng kut onqe ta jegna kam adna fee, ndax i ñoow na pexey um.

1Saŋ 3:8

Oxuu genna no fi’aa bakaad, no ƈiƴ oxe a fogu, yaam o ƈiƴ oxe kaa bakaadaa, yaa fo mberaandoong naa boo ndiik. O Ƥeenqe Roog koy, a feeña ndax ta yaq calel ke no ƈiƴ oxe.

1Saŋ 2:23

Oxuu xañna o Ƥeenqe, jaɓee a Roog Faap fee itam. Oxuu na weejlaa yee a gima no Ƥeenqe, a jega a Faap fee itam.

2 Korint 1:19

Kaam ee, Yeesu Kiristaa fee o Ƥeenqe Roog i mbaare’na a nuun, too waare feene a hat na mi Pool fa Silwe fa Timote, ndax «ii» fa «ha’aa» a refu, mee ndax «ii» soom saxu no ten?

YEGIL MBAAX NE YEESU ne Saŋ a bindtuuna 19:7

Naaga Yaawuur we a ndoonaan ee: «I njega kebil, too ne kebil neene a laytuuna, a wara o xon, yaam kaa fi’ooxaa o Ƥiy Roog.»

YEGIL MBAAX NE YEESU ne Saŋ a bindtuuna 11:27

A layaan ee: «Ii, o Yaal oxe, gimaam ee wo refu Kiristaa fee, o Muumucil oxe regteena, o Ƥiy Roog onqe war’ina o gar na adna fee.»

YEGIL MBAAX NE YEESU ne Saŋ a bindtuuna 10:36

yaaga oxe Roog a kesna, a luliidin na adna fee a layangaa yee: O Ƥiy Roog refum, nu mbariran o lay ee: Wenaa a Roog.

Mark 1:1

Keeke refu mberaandoong ne no Yegil mbaax ne na laytaa kaa farna na Yeesu Kiristaa, o Ƥeenqe Roog.

Mace 27:54

Yaa o aa-adax oxaa no xiixire waa fo waa ndeeƭna fo ten, a yetooxaa a Yeesu, a nga’na ne lanq ke a yo’nooritna fo ke xew’ina, a ndiida diid maak. Maaga, a layoogata yee: «O kiin oxeeke reeƭu o Ƥeenqe Roog ndigil!»

Mace 27:43

A doona yaakaar um na Roog, Roog a fexangaan, pañtu ta muclin koy? Mee ndax kaa layoogu yee ten refu o Ƥeenqe Roog!»

Mace 27:40

a layaa yee: «Wo fee bug’ina o gef Mbind Roog ne, soo maxatinin no ñaal tadik, mucli a xoox of! O refangaa o Ƥeenqe Roog, fudooxi a kurwaa le!»

Mace 26:63

Yeesu kaa tiimoogu. O saasadax o maak oxaa a dakooxaan o lay ee: «Mexe daaɓoortan a Roog fa ñoow jok fee! Layi a in ndax wo refu Kiristaa fee o Muumucil oxe regteena, refna o Ƥeenqe Roog?»

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.

Hebre 7:3

O leng andanee a Melkisedek a faap mbaat a yaay mbaat o taan. O rimel um fo fa nqon um laytaand sen kam a Pind a Tedu ke. Kaa nand fo o Ƥeenqe Roog: O saasadax a mosu mos o refaa boo faw.

YEGIL MBAAX NE YEESU ne Lik a bindtuuna 3:22

too Yiif Tedu le a fudooxiida took um, a saxit nen cer a nuukuur. O ñuxur a nannoorta na asamaan ee: «Wo refu o Ƥees onqe fexuuma fex, na wo felakinoortum.»

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

Mark 1:11

O ñuxur a nannoorta na asamaan ee: «Wo refu o Ƥees onqe fexuuma fex, na wo felakinoortum.»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

Mace 11:27

Faap es a cooxaxam fop, too o leng andee o Ƥeenqe a refangeerna Faap fee. O leng andee a Faap fee itam, a refangeerna o Ƥeenqe fo xaa ta buguuna o feeñil.

Mace 8:29

A laya a maak ee: «Wo fee refna o Ƥeenqe Roog, xar bugo fi a in? Ndax kaa o xijliid a in boo waxtu fee a helko fo fadaa?»

Mace 4:6

soo a layin ee: «O refangaa o Ƥeenqe Roog, foolti mene, yaam a binde yee: ‹Xan a heblanong malaaka ke ten, too xan a meeɓong, yaam ndik o kamas ɓil.› »

Mace 3:17

O ñuxur a nannoorta na asamaan ee: «Oxene refu o Ƥees onqe fexuuma fex, no ten felakinoortum.»

YEGIL MBAAX NE YEESU ne Saŋ a bindtuuna 20:28

Tomaa a doonaan ee: «O Yaal es, Roog es!»

YEGIL MBAAX NE YEESU ne Saŋ a bindtuuna 10:30

Mi fa Faap fee o leng i ndefu.»

YEGIL MBAAX NE YEESU ne Saŋ a bindtuuna 6:69

In koy, i ngima, too i anda yee wo refu o Tedu xe hatna na Roog.»

YEGIL MBAAX NE YEESU ne Saŋ a bindtuuna 1:18

O leng koy mosee o ga a Roog. Roog o Ƥiy o leng kut onqe rimeena, too a moƴ o mat a Faap fee, andnoorun.