YEGIL MBAAX NE YEESU ne Saŋ a bindtuuna 1:3 - NQAARIIT NE ROOG

³ Roog a saktin fop. Dara kaa sakeena too reefandaand no ten jegee meen.

YEGIL MBAAX NE YEESU ne Saŋ a bindtuuna 1:3 Referans Kwoze

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Mbeeñil 4:11

«Koo o Yaal oxe Roog in, jombiro ɓoxotel o ndam fo o niwel fa katil, yaam wo saku fop, too na pexey o bug of ke sakeena a reftu.»

A kim a tedu ke 33:6

Na pexey fa lay o Yaal oxe a saktu asamaan, soo ke refna teen fop, ta saktin haaƭ le no don um.

Mberaand 1:26

Maaga, Roog a laya yee: «Fat i sak o kiin, ta ref nitaal in, a nand fa in. Liƥ ke no maag ole, tiiƭ ke na asamaan, muumeen ke, lanq ke fop fo ƥood ke no lanq ke, fop no ɓay um a ndefkaa.»

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.

Esayi 45:18

O Yaal oxe saku asamaan fee, ten refu Roog fa leng kut fee fiisna lanq ke, a sip a den soo a saƭkand a den koŋ. Sakee a den koy, ndax da yoq o ƥor, ndaa ndax da ngenel. Ndiiki keeke a layu: «Mi refu o Yaal oxe. Jegee roog fa lakas.

Esayi 45:12

Yaag oo toox de, mi fiisu lanq ke soo sak pindeef ke ngenna teen. Mi letnu asamaan fee soo kelfa a yaj ake ten fop.

A kim a tedu ke 102:25

Ten taxu um layin ee: «Wo Roog es fee faafkeerna muk, ba o jangaam meeke foduuma na doole es.»

Efees 3:9

A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.

Mberaand 1:1

No mberaand naa Roog a saka asamaan fo lanq.

Xa peƭit axe 8:30

No keene fop kaam reeƭu nen a waane paam um, ñaal nuu refna um ɗaayandan, ŋaslooxaa kili mbaambir um,

YEGIL MBAAX NE YEESU ne Saŋ a bindtuuna 1:2

Fa Roog a reeƭu no mberaand naa.

Hebre 11:3

No ngim onqe i andtu yee Roog saku adna fee na pexey fa lay um, a tax ke na ga’eel a sutoor no ke waagaandeena o ga.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.