YEGIL MBAAX NE YEESU ne Saŋ a bindtuuna 1:17 - NQAARIIT NE ROOG

¹⁷ Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

YEGIL MBAAX NE YEESU ne Saŋ a bindtuuna 1:17 Referans Kwoze

O leetar ole Pool a bindna GIMU WE NGENNA ROM 6:14

Neene boog, bakaad fee jegkatee na nuun sañ-sañ fa leng, yaam nu ndagooxatee kebil ke, ndaa yirmande fee Roog o mat nu ndagooxaa.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Hebre 9:22

No ne kebil ke a laytuuna, fo’oy xoolandoogu o moƴ-o-jaak ole fop. Kaa koy, fo’oy a ɓaxooxangee, a baasan pakaad waagee o jeg.

YEGIL MBAAX NE YEESU ne Saŋ a bindtuuna 8:32

Xan nu and ndigil ne, too xan ndigil neene a wat a nuun.»

YEGIL MBAAX NE YEESU ne Saŋ a bindtuuna 7:19

Kaa refee yee Moyiis cooxu a nuun kebil ke? O leng na nuun boo nu nqet naagee o fi’aa ke kebil ke a simitna. Xar taxu nu mbaaƭaa maa nu saktaxama pexey?»

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

Mberaand 22:18

Qeet ke no lanq ke fop no xaa faqaqoorna na wo a mbarke’itkeel, yaam kaa o nananaam.»

Galati 3:17

Keeke um ne’aa: Njofoor naa Roog a fi’na yaaga, waagaand o laaf. Yaaga koy, ke regteena, a ref meen boo a jeg xa kiid teemeed nahik fo xa kiid qarɓeen tadik, waagaand o laaf yaam kebil ke ndeefanuuna.

A cangatin ale 5:1

Moyiis a xoyna Ii-isra’el we fop, a lay a den ee: «Nuun Ii-isra’el we, nan-gilooxyo bargal ke fo kebil ke um daawnaa a nuun xaye. Aqatooxyo a den, ngay a den, ndax nu ndeef a den.

A pi ake 7:38

Moyiis feene geenooxoogu paam xeet fee mbokatoor’ina na koƥ-a-ƥor alaa. Ten reeƭu o ndok-a-ndeer ndeer malaaka ne layoogna fo ten no Joong olaa Sinayi fo daan we in. Ten o mat daawu fa lay fa ñoow, ndax ta cooxin a in.

YEGIL MBAAX NE YEESU ne Saŋ a bindtuuna 5:45

Ba nu mboog ee xam jamb a nuun mbaambir Faap fee. Ke na jambaa a nuun refu kebil ke Moyiis, den we ndefna yaakaar nuun.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

YEGIL MBAAX NE YEESU ne Saŋ a bindtuuna 9:29

I anda xil koy ee Roog a laya fa Moyiis, ndaa oxeene, o leng andee maa ta hatna.»

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

A kim a tedu ke 85:10

A woora yee a muc um oxe paam no we saɗaruuna, too xan o ndam onqe a gen no saax in.

A cangatin ale 33:4

Moyiis a cooxa a in kebil ke, o jeg ole no mbokatax ne Yakoob.

A cangatin ale 4:44

Keeke refu a cangin ale Moyiis a daawinna Ii-isra’el we.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»