YEGIL MBAAX NE YEESU ne Saŋ a bindtuuna 1:16 - NQAARIIT NE ROOG

¹⁶ I ndaawa koy no paax ke ta garitna fop, ta ref yirmande took yirmande.

YEGIL MBAAX NE YEESU ne Saŋ a bindtuuna 1:16 Referans Kwoze

Kolos 1:19

No ten Roog a genu fo o yaajel um fop.

O leetar ole Pool a bindna GIMU WE NGENNA ROM 5:2

No ten, i mbaagata o matiid na yirmande fee Roog na pexey o ngim onqe. Yirmande feene refu ngenand in ndiiki, too kaa i mbelakinooxaa, yaam i yaakaaraa yee xan i ndaaw o ndam onqe Roog.

Efees 3:19

Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.

Efees 1:23

O fog ole no gimu we refu cer ke Kiristaa. No ten Kiristaa a genu bo ta dey, ten fee mayƭandna ke sakeena fop.

O leetar ole Pool a bindna GIMU WE NGENNA ROM 5:17

Tooñ no leng kut oxaaga taxu fa nqon fee a maadooxaa na pexey o kiin o leng kut oxaaga. Kaa koy, na pexey o leng kut itam, ta ref Yeesu Kiristaa, i ndaawtaa kaa moƴna. I ndaawa yirmande fa maak fo o cofel ole Roog nen ci’it, too xan i ñoow, soo maadoox yaam o leng kut oxeene.

YEGIL MBAAX NE YEESU ne Saŋ a bindtuuna 3:34

Oxe Roog a lulna, a ƭelem Roog a layaa, yaam Roog naagee o hendaƭooxaa yaa ta ci’taa Yiif le ten.

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

Mace 13:12

Oxe jegna xan a ci’el, too xan a mayiƭ. Oxe jegeerna o mat, onqe ta jegna sax xan a jaɓel.

Kolos 2:3

Na Kiristaa feene koy, kalal o and fo o jeg-yiif a saxu.

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

YEGIL MBAAX NE YEESU ne Lik a bindtuuna 21:15

yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun.

Mace 3:14

Saŋ koy, jaɓ’ee too a laya yee: «Mi soxla’u o batiise’aam, soo o garaa me mi!»

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

Sakari 4:7

Wo o joong o maak ole, an refo? Xan o fodrandel mbaambir Serubabel. Xan a doon ɓil faraaj le na seek um ndeer xa soroxole xe yee: ‹Ndaw ne ta mositna! Ndaw ne ta mositna!› »

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

A kim a tedu ke 84:7

Boo da nqaañaa a yulanq ale na xa lool axe, kaa suptooxaa xur mayu a cur, soo a teƥ ale a mayƭandan fa barke.