YEGIL MBAAX NE YEESU ne Saŋ a bindtuuna 1:14 - NQAARIIT NE ROOG

¹⁴ Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

YEGIL MBAAX NE YEESU ne Saŋ a bindtuuna 1:14 Referans Kwoze

1Saŋ 4:9

Mene o mbeq onqe Roog a feeñtu na in: A luliida o Ƥiy o leng kut onqe ta jegna kam adna fee, ndax i ñoow na pexey um.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

YEGIL MBAAX NE YEESU ne Saŋ a bindtuuna 1:1

No mberaand naa, yaaga dara sakafulaand fa Lay fee a reeƭa. Fa Lay fee fa Roog a reeƭu, too fa Lay fee Roog sax sax a reeƭu.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

Esayi 40:5

O ndam onqe no Yaal oxe xan a feeñ, too o kiin oo kiin xan a ga’in. Neene a refkaa, yaam no don no Yaal oxe a hatu.»

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

Kolos 1:19

No ten Roog a genu fo o yaajel um fop.

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

Kolos 2:9

No ten o mat Roog fo o yaajel um a xawoortu, a refat o kiin.

2Saŋ 1:7

Nu mbootoox koy, yaam kaa jeg mayu waa ndefatna na adna fee, a naxaa wiin we. Weene mbeejlee yee Yeesu Kiristaa a cerooxa, ye ta garna na adna fee, a ñoowaa nen o kiin. Oxuu na fi’aa keene, kaa naxiid wiin we, too o Mbodandoor-Kiristaa yoo.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Hebre 5:5

Neene itam, Kiristaa fee fi’ee a xoox um o saasadax o maak. Kaa koy, Roog fa xoox um layun ee: «Wo refu o Ƥees, xaye mi rimong.»

Hebre 10:5

Ten taxu ye Kiristaa a fudooxiidaa na adna, a laya a Roog ee: «Bugiro sadax muumeen mbaat ci’it no kuu ta waagna o ref, ndaa fi’anaxamo njer.

YEGIL MBAAX NE YEESU ne Saŋ a bindtuuna 11:40

Yeesu a doonaan ee: «Kaa layiroong ee o gimangaa, xan o ga o ndam Roog?»

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

YEGIL MBAAX NE YEESU ne Saŋ a bindtuuna 2:11

Neene o mat o anddiloor o eetaand ole na xa anddiloor axe Yeesu a xewit’u kam Kana no jegel ole Galile. Maaga, a feeñla o ndam um, soo daalbe um a ngim no ten.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

Hebre 1:5

yaam Roog mosee o lay fa leng no malaaka keene ne ta bindteena yee: «Wo refu o Ƥees, xaye mi rimong.» Roog mosee o lay itam no kaa jofna na malaaka ne ta bindteena yee: «Xam refanin Faap, soo ta refanaam o Ƥiy.»

YEGIL MBAAX NE YEESU ne Saŋ a bindtuuna 14:9

Yeesu a doonaan ee: «Filip, yaa refuuma fa nuun boo ndiik, too andiraamo! Oxuu ga’axama, Faap fee a ga’u. Nam waagaxamo o layit boog ee: ‹Lali a in a Faap fee?›

YEGIL MBAAX NE YEESU ne Lik a bindtuuna 9:32

Piyeer fo yoon um kaa ƭaanoogu, ndaa a naanga beret a yokoox, too a nga’a o ndam onqe Yeesu fo wiin ɗik waa ndeeƭna fo ten.

YEGIL MBAAX NE YEESU ne Saŋ a bindtuuna 17:22

Ci’aam a den o ndam onqe ci’axamoona, ndax da ndef o leng ne i ndefitna o leng,

YEGIL MBAAX NE YEESU ne Saŋ a bindtuuna 3:18

Oxuu gimna no ten hate’kaand, ndaa oxuu gimeerna a hate’e boo a ƴut, yaam ne ta gimeerna no Ƥiy o leng kut onqe Roog.

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

A kim a tedu ke 45:2

Xeeñ es kaa may muut fo xa ƭelem xa mosu. Kaam ee a cangtax es no maad oxe a jagnu. Ɗelem es kaa nand fo a pindir no piibind o pelu xoox.

Hebre 2:11

Yeesu fee na tedlandaa wiin we no pakaad den fo we tedlandeena fop, Faap fa leng a mbogu. Ten taxu sedee o xoy a den xa teɓ um,

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

Mace 1:16

Yakoob rimu a Yoseef, o fes Mari fee refna ya Yeesu, too ta xoyeel Kiristaa fee o Muumucil oxe regteena.

Kolos 2:3

Na Kiristaa feene koy, kalal o and fo o jeg-yiif a saxu.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

O leetar ole Pool a bindna GIMU WE NGENNA ROM 9:5

Kaam ee, den o mat ndefu xa taan axe no daan maak we, soo Kiristaa fee no fo ɓaal a fog na xeet den. Kiristaa feene koy hupu fop, a ref Roog fee heleena o simat. Amiini!

YEGIL MBAAX NE YEESU ne Lik a bindtuuna 2:7

A ñoota a taaw um, ta ref o ƥiy o ngoor. A laxasaan ƭapax, a wondnin no mbalka, yaam nqeƈ’ee maa genar waa a ndaloogna.

A pi ake 13:33

a fadnanaan a in, in we ndefna xa taan den. A fi’aan ye ta xontooxnoorna a Yeesu, ne ta bindteena na kim a tedu a ƭikandeer ale yee: ‹Wo refu o ƥees, xaye mi rimong.›

A kim a tedu ke 85:9

Kaam nan-gilooxaa ke Roog o Yaal oxe a layaa. Jam fa ƥor a layanaa xeet um, we ndamooxna no ten, den we na ngeleerooxaa farna fo ten na qeeñ den.

Heseki’el 37:27

Xam gen fa den, ref Roog den soo da ndef xeet es.

YEGIL MBAAX NE YEESU ne Saŋ a bindtuuna 8:32

Xan nu and ndigil ne, too xan ndigil neene a wat a nuun.»

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

Mbeeñil 19:13

Ndoki naa suupeena na fo’oy a rokoox’u, soo gon um a ref «fa Lay fee Roog».