YEGIL MBAAX NE YEESU ne Saŋ a bindtuuna 1:13 - NQAARIIT NE ROOG

¹³ axaa ndimtaandeena nen o kiin, too itam a yaaw cer gartiran mbaat buge-buge no kiin, ndaa da ngat a ngat na Roog.

YEGIL MBAAX NE YEESU ne Saŋ a bindtuuna 1:13 Referans Kwoze

1Saŋ 3:9

Oxuu Roog a rimna, naagee o genaa na bakaad, yaam ke Roog a duufna no ten kaa sax no ten, too oxeene kiin waagee o sax na bakaad, yaam Roog rimun.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

1 Piyeer 1:23

Kaa nu ndimel o rimel o xas, refee no paap kaa mbarna o nqon, ndaa no ax kaa mbaageerna o nqon. Ax keene ndefu fa lay fa ñoowu fee Roog, na refkaa boo faw.

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

1Saŋ 5:4

yaam we ndimeena na Roog fop kaa maafaa adna fee, too mbir ne maafna adna fee refu o ngim in.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

1 Korint 3:6

Kaam jimb, Apolos a soor, Roog a maakin ndaxar ne.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

1Saŋ 5:18

I anda yee oxuu Roog a rimna genkee na bakaad. Oxe Roog a rimna kaa damooxaa, too o paaxeer oxe duqkiran.

YEGIL MBAAX NE YEESU ne Saŋ a bindtuuna 3:3

Yeesu a doonaan ee: «No ndigil, no ndigil, mexe layang ee: O kiin waagee o ga Maat ne Roog a refangee kaa rimel o rimel o xas olaa inoorna na asamaan.»

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

A kim a tedu ke 110:3

Wo ngelwaar a helu naa rimee took xa coong xa tedu xe, o sutoor no mbuyukuun ne nen liim, ye rimoonga.

Mberaand 25:22

Xa ƥiy axe a ñoxorooga kam o fud ole ten, soo ta lay ee: «Xar na sagiidaxam?» A dalfooxa o laamtik o Yaal oxe.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

Mberaand 27:33

Maaga, Isaak a dalfooxa o kafkafin yaam ke ta yegna, a sendaa. A laamta yee: «Yaaga boog, an refu oxe waraniidaxama mbuufuɗag, a ɓisiidaam o ten boo um ñaamin, miñee dara o fadiid? Barke’aanum toox de, too xan a barke.»

Mberaand 25:28

Isaak kaa fex’u a Esawu, yaam ne ta ñaamoogna puufuɗag ke, Rebeka koy a fex a Yakoob.

Mberaand 27:4

Fat o jawanaam o ten njaw mbelu ne bugtanuuma, soo ɓisiidaam o ten, um ñaamin, ndax um barke’ong bo um helko fo xonaa.»