YEGIL MBAAX NE YEESU ne Saŋ a bindtuuna 1:11 - NQAARIIT NE ROOG

¹¹ Kaa gar me no wiin um, da mbañin, a mbesin a cinj.

YEGIL MBAAX NE YEESU ne Saŋ a bindtuuna 1:11 Referans Kwoze

YEGIL MBAAX NE YEESU ne Lik a bindtuuna 19:14

Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›

YEGIL MBAAX NE YEESU ne Saŋ a bindtuuna 3:32

Kaa layaa ke ta ga’na, a nanin, ndaa koy o leng jaɓee seede um.

Mace 15:24

Yeesu a doona yee: «Lakas taxee um luliidel, a refangee paal mo’u ke Isra’el.»

O leetar ole Pool a bindna GIMU WE NGENNA ROM 15:8

Kaam ee, Kiristaa kaa gar, a refat o tag no Yaawuur we, ndax ta feeñil a den ne Roog a gore’itna. Keene kaa jeg, ye ta fadinna ke Roog a reg’ina daan waa den.

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

O leetar ole Pool a bindna GIMU WE NGENNA ROM 9:5

Kaam ee, den o mat ndefu xa taan axe no daan maak we, soo Kiristaa fee no fo ɓaal a fog na xeet den. Kiristaa feene koy hupu fop, a ref Roog fee heleena o simat. Amiini!

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

O leetar ole Pool a bindna GIMU WE NGENNA ROM 9:1

Ke um layiidaa ndigil kak oo. Kaam refan a Kiristaa, too maaɓiim dara. Yiif es jeejooxee, too a seede’anaxam na pexey Yiif Tedu le yee fa lay es ndigil oo.

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

YEGIL MBAAX NE YEESU ne Saŋ a bindtuuna 19:27

Cinj kaaga, a laya o taalbe xe yee: «Ya of oo xeene.» No kaa xotitna na waxtu faaga, o taalbe xeene a ɓisu a Mari no mbind um.

A pi ake 21:6

A cinj ye i asoorna boo ƈut koy, i ndoka na kaal ale, too den oo a nomtooxa no pind den.